Burundi:Ihuriro CNARED rihangayikishijwe n’itabwa muri yombi rya Niyongabo

Yanditswe na Jean Pierre Tuyisenge
Kuya 30 Nzeri 2016 saa 03:17
Yasuwe :
0 0

Abagize Ihuriro ry’amashyaka atavuga rumwe n’ubutegetsi CNARED, bari mu buhungiro batangaje ko bahangayikishijwe n’itabwa muri yombi rya Niyongabo Gervais uhagarariye Ishyaka rya Fedes-Sangira, ryabaye ku wa 28 Nzeri 2016 mu majyepfo y’Igihugu akaba ngo afitwe n’inzego z’iperereza i Bujumbura.

Gervais Niyongabo ni umwe mu batavuga rumwe n’ubutegetsi utarigeze ahunga. Ishyaka rye rya Fedes Sangira ni rimwe mu yagize ihuriro CNARED, nkuko umuvugizi waryo Pancras Cimpaye yabitangarije RFI yanditse iyi nkuru.

Yagize ati “ Ni ubwa gatatu yitabiriye inama y’iri huriro I Brussels mu Bubiligi, ni n’umwe mu bayobozi bakomeye b’ihuriro ndetse agira uruhare rukomeye mu biganiro by’amahoro i Arusha muri Tanzania. Tubona ari uburyo bakoresheje kugira ngo babangamire ibiganiro.”

Umuvugizi wa Polisi, Pierre Nkurikiye, ku rukuta rwe rwa Twitter yatangaje ko Gervais yatawe muri yombi akekwaho kwifatanya n’abashaka guhungabanya umutekano w’igihugu.

Ihuriro CNARED ryasabye ko Gervais Niyongabo ahita afungurwa vuba

Kuva Perezida Nkurunziza yatangaza ko agiye kwiyamamariza kuyobora u Burundi kuri manda ye ya gatatu we yitaga iya kabiri mu kwezi kwa Mata 2015, abatari bashyigikiye icyo cyemezo batangiye kujya mu mihanda bigaragambya, Abarundi benshi bahungira mu bihugu by’ibituranyi birimo n’u Rwanda.

Abapolisi n'abasirikare bacunga umutekano i Burundi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza