Kwamamaza

Burkina Faso:Abakozi bo mu bitaro n’ibigo nderabuzima bya Leta bahagaritse akazi

Yanditswe kuya 23-11-2016 saa 21:21' na Philbert Hagengimana


Abaganga, abaforomo ndetse n’abandi bakora mu buvuzi mu bigo bya leta bahagaritse akazi by’agateganyo mu myigaragambyo isaba ko havugururwa uburyo bafatwa mu kazi.

Abo bakozi bahisemo kwigaragambya mu gihe cy’amasaha 72, kuva kuwa 22 Ugushyingo, ibyo bikaba byahagaritse ubuzima mu bitaro n’ibigo nderabuzima bitandukanye bya Leta birimo n’ibitaro bikuru by’umurwa mukuru w’icyo gihugu.

Umwe mu baforomokazi wabashije kwihangana agasigara mu kazi yatangaje ko abarwayi abarwayi babuze serivisi z’ubuvuzi bari bakeneye umunsi wose, bamwe bagapfa, ahandi abagore bakabyarira ku mabaraza y’ibitaro bikuru bya CHU Yalgado Ouédraogo, nk’uko RFI yabyanditse.

Xavier Kaboré, umuganga rukumbi wabashije kuguma mu kazi yagize ati “Biteye impuhwe. Laboratwari ntirimo gukora. Dukeneye abantu bo gusukura ibikoresho n’aho dukorera kugirango akazi gakorwe. Dukeneye abakobwa bo gutegura aho ababyeyi babyarira.”

Umunyamabanga wa Syntsha, ihuriro ry’abakora iby’ubuvuzi bw’abantu, Pissyamba Ouédraogo yatangaje ko bahisemo kwigaragambya kuko Guverinoma yari yarabirengagije kenshi.

Mu kugerageza gutabara ubuzima bw’abaturage nko kwirinda ingaruka z’iyo myigaragambyo, Ministiri w’ubuzima Smaïl Ouédraogo yasabye ko hoherezwa abaganga b’abasirikare, gusa akavuga ko iryo huriro mbere yo gutangaza impinduka ku myigaragambyo bari basanzwe bakora, bagombaga kubanza guteguza Guverinoma.

Ubusanzwe abo baganga bigaragambyaga batanga serivisi ziciriritse, ariko kuwa 21 Ugushyingo bahise bafata icyemnezo cyo guhagarika burundu serivisi zose batangaga.

Serivisi z'ubuvuzi zahagaze kubera imyigaragambyo y'abakozi mu by'ubuzima

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved