00:00:00 IGIHE NETWORK KN KINYARWANDA EN ENGLISH FR FRANCAIS

Brésil: Umuturage yikingije Covid-19 inshuro eshanu mu byumweru icumi

Yanditswe na Bukuru JC
Kuya 22 Kanama 2021 saa 05:10
Yasuwe :
0 0

Inzego z’ubuyobozi mu mujyi wa Rio de Janeiro zahamagaje umuturage wo muri ako gace biherutse kuvumburwa ko yikingije inshuro eshanu icyorezo cya Covid-19 mu gihe cy’ibyumweru icumi.

Ubuyobozi buvuga ko butazi uburyo uwo muturage yahawe doze eshanu z’inkingo, mu gihe ubu inkingo zitangwa abantu bahabwa doze ebyiri ariyo mpamvu uwo muturage agomba kwisobanura.

7sur7 yatangaje ko hagati ya tariki 12 Gicurasi na 21 Nyakanga uyu mwaka, uwo mugabo yahawe doze ebyiri z’urukingo rwa Pfizer, ebyiri za Coronavac na rumwe rwa AstraZeneca.

Hari n’aho uwo muturage yahawe doze ebyiri zikurikiranya mu gihe cy’iminsi 13. Yavumbuwe tariki 16 Kanama ubwo yashakaga guhabwa urukingo rwa gatandatu.

Ubuyobozi bwatangaje ko ashobora kuba yaragiye yikingiriza ahantu hatandukanye, akabifashwamo n’ibibazo byabaye mu ikoranabuhanga ribika imyirondoro y’abakingiwe.

Inzego zishinzwe ubuzima zatangaje ko zizafatira ingamba zikomeye uwo mugabo kuko ibyo yakoze ari amanyanga.

Ubusanzwe kugira ngo umuntu akingirwe muri Brésil, umuturage yitwaza ikarine n’ibyangombwa bye, akagaragaza icyerekana niba yarahawe doze ya mbere.

Ubusanzwe kwikingiza muri Brésil bisaba kwerekana ibyangombwa, bakareba ko utari warigeze wikingiza mbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .