Kwamamaza

Batanu bagejejwe imbere y’urukiko bashinjwa gutuka Perezida Magufuli

Yanditswe kuya 15-09-2016 saa 19:14' na Jean Pierre Tuyisenge


Abantu batanu baraye bagejejwe imbere y’ubutabera bwa Tanzania bashinjwa gutuka Perezida John Pombe Magufuli n’inzego za Polisi ku mbuga nkoranyambaga.

Abo barimo uwitwa, Dennis Temu, Sukeimani Nassoro, Shakira Makame,Juma Mtatuu, na Dennis Mtegwa, gusa bose bahakanye ibyaha baregwa.

Barashinjwa ibyaha bitanu birimo gusangiza abandi amakuru yibasira Umukuru w’Igihugu na Polisi, hagati y’itariki ya 24 na 30 Kanama 2016.

Ni ibikorwa bihabanye n’ingingo y’itegeko ryo mu 2010, rihana inyandiko cyangwa ubutumwa bwose butukana bunyuze mu buryo bw’ikoranabuhanga cyangwa n’ibindi bikorwa byose byamamaza muri Tanzania.

Umushinjacyaha Mukuru wa Repubulika ya Tanzania, Salum Mohamed, yabwiye urukiko ko Mtegwa yasangije inyandiko isebanya ku rubuga rwa WhatsApp, mu itsinda ryitwa DSM 114U Movement.

Ikinyamakuru The East African dukesha iyi nkuru kivuga ko uyu yanditse amagambo agira ati“ Sinzi rwose ibintu biba mu mutwe wa John Pombe Magufuli…, ntazi nibura no kwisegura mu makosa aba yakoze. Tugeze kuri uru rwego dutewe n’umuntu umwe uhora atekereza ko ibye aribyo byonyine by’ukuri… akeneye kumva ko politiki atari intambara, ndetse abatavuga rumwe na we ko atari abanzi,akwiye kwiga kujya impaka n’abo batumva ibintu kimwe, aho gushyiraho ingufu.”

Ubushinjacyaha bushinja Temu,Nassoro, Shakira na Mtatuu kuba barasangije ku mbuga nkoranyambaga za Facebook na WhatsApp inyandiko yahamagariraga rubanda kwanga no kurwanya ibikorwa bya Polisi y’igihugu.

Kamwe mu duce tw’inyandiko basangije ku mbuga nkoranyambaga kagiraga kati “Mu gihe bitegura kurwanya abo batavuga rumwe, abakora ibyaha bo baba bari kubikora.”

Urukiko rwafashe icyemezo cyo kubarekura ku ngwate ingana n’amashiringi n’ibihumbi Magana atanu.

Urubanza rwimuriwe ku wa 27 Nzeri 2016.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved