00:00:00 IGIHE NETWORK KN KINYARWANDA EN ENGLISH FR FRANCAIS

Babiri bayoboye Côte d’Ivoire binjiye mu bufatanye bwo kurwanya Perezida Ouattara

Yanditswe na Bukuru JC
Kuya 12 Nyakanga 2021 saa 08:29
Yasuwe :
0 0

Laurent Gbagbo na Henri Konan Bédié bombi bayoboye Côte d’Ivoire, batangaje ko binjiye mu bufatanye bwo kurwanya Perezida w’iki gihugu, Alassane Ouattara bamaze igihe kinini batavuga rumwe na we.

Aimé Henri Konan Bédié yayoboye Côte d’Ivoire kuva mu 1993 kugeza mu 1999 mu gihe Laurent Gbagbo we yayiyoboye kuva mu 2000 kugeza mu 2011 ubwo yasimburwaga na Alassane Ouattara nyuma y’imvururu zatewe n’uko yari yanze kurekura ubutegetsi.

Amakuru dukesha BBC avuga ko aba bagabo bombi bamaze kwishyira hamwe kugira ngo bafatanye mu rugendo rwo guhangana na Perezida Alassane Ouattara.

Bombi ngo bavuze ko bahisemo gufatanya kuko byihutirwa ko hagira igikorwa kugira ngo muri Côte d’Ivoire hagaruke amahoro arambye.

Gbagbo w’imyaka 76 yongeye gutangiza urugamba rwo kurwanya Alassane Ouattara mu gihe hashize igihe gito ahungutse agasubira mu gihugu cye nyuma yo kugirwa umwere n’Urukiko Mpuzamahanga Mpanabyaha (ICC). Yari akurikiranweho kugira uruhare mu mvururu zakurikiye amatora yo mu 2010 ubwo yangaga kurekura ubutegetsi.

Laurent Gbagbo na Henri Konan Bédié biyemeje gufatanya mu kurwanya Perezida Ouattara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .