Kwamamaza

Ba Minisitiri bashinzwe EAC basabiwe kwimurira ibikorwa i Arusha

Yanditswe kuya 25-11-2016 saa 06:53' na Rabbi Malo Umucunguzi


Abadepite bagize Inteko Ishinga Amategeko y’Umuryango wa Afurika y’Iburasirazuba (EAC), EALA, basabye ko ibihugu bishyira imbaraga nyinshi mu guhuza amategeko yabyo n’ayo umuryango ugenderaho muri rusange, hagamijwe kugera ku ntego ziteganywa mu kwishyira hamwe nk’ibihugu.

Mu mirimo ya EALA iri kubera i Nairobi muri iki Cyumweru, kuri uyu wa Gatatu ku mugoroba nibwo bagejejweho raporo uburyo ibihugu bikomeje kuvugurura amategeko yabyo hagamijwe imikorere myiza y’umuryango.

EALA yasabye ko ibihugu bigize Umuryango wa Afurika y’Iburasirazuba kurushaho guhuza amategeko hagamijwe kwirinda ibintu byose byadindiza umuvuduko ibikorwa by’umuryango biri kugenderaho.

Depite Martin Ngoga yashimangiye ko hakenewe gahunda zihamye za buri gihugu, kugira ngo uguhuza ibikorwa n’amategeko bibashe kugera ku ntego, ndetse Mike Sebalu avuga ko ugutinda kuvugurura amategeko kw’ibihugu ngo ahuzwe n’aya EAC, bigira ingaruka ku biba byaramaze kuyavugurura.

Nk’uko itangazo rya EALA ribivuga “Depite Joseph Kiangoi nawe yashyigikiye uguhuza amategeko kwihuse avuga ko bizafasha umuryango kwishyira hamwe. Yanasabye ko Itegeko rishyiraho EAC ryavugururwa kugira ngo ba Minisitiri bashinzwe ibikorwa bya EAC bature Arusha babashe kwihutisha urugendo rwo kwishyira hamwe.’’

Mu mavugurura y’amategeko yagiye akorwa, Depite Shyrose Bhanji, yashimiye u Rwanda na Uganda baza ku isonga mu kuvugurura no guhuza amategeko, anasaba inama y’abaminisitiri kugira uruhare rufatika mu rugendo rwo kwishyira hamwe nk’ibihugu.

Aba badepite banasabye ko hashakwa ubushobozi bw’amafaranga bukenewe mu guhuza amategeko no gufasha mu ishyirwa mu bikorwa ry’imyanzuro y’inama y’abaminisitiri byagaragajwe mu mwaka w’ingenzo y’imari ushize ariko bikaba bitarakorwa.

Iyo raporo ivuga ko Inteko z’ibihugu bigize EAC zigomba kugira uruhare rukomeye mu ivugururwa ry’ayo mategeko, n’ubwo ihagararirwa ryazo mu nzego bireba naryo riri hasi, hakaba n’imbogamizi mu bijyanye no guhuza ibikorwa by’inzego zifite mu nshingano ihuzwa ry’amategeko.

EALA yagarutse ku mavugurura y’amategeko yakozwe n’ibihugu bya EAC, nk’aho u Burundi bwavuguruye itegeko ry’abinjira n’abasohoka mu 2012, abaturage ba EAC bagahabwa uburenganzira bwo kuba bamara amezi atandatu mu Burundi, buvugurura itegeko ry’ubucuruzi n’itegeko rigenga ubufatanye bwa leta n’abikorera.

Iti “Repubulika y’u Rwanda yavuguruye amategeko 10. Harimo irigenga abinjira n’abasohoka, irigenga umurimo mu Rwanda, irigenga amasezerano, irigenga kugurisha, irigenga ibigo by’ubucuruzi n’iryerekeye izahura ry’ubucuruzi n’irangiza ry’ibibazo biturutse ku gihombo. Harimo kandi itegeko rirengera umutungo mu by’ubwenge, ubufatanye bwa leta n’abikorera, irigenga ipiganwa mu bucuruzi no kurengera abaguzi n’irigamije guteza imbere no korohereza ishoramari.”

Ibihugu byo mu karere bihuriza ahanini ku ivugurwa ry’Itegeko rigenga abinjira n’abasohoka n’iry’umurimo, ariko u Rwanda rugashimirwa ko rwakoze amavugurura menshi mu mategeko hagamijwe guhuza n’imikorere ya EAC, kurusha ibi bihugu.

Depite Maryam Ussi yasabye ibihugu bigize uyu muryango gutera indi ntambwe mu guhuza amategeko yabyo, ndetse hagakorwa ubukangurambaga ku kamaro k’amategeko ya EAC.

Depite Martin Ngoga
Peter Mathuki, Perezida wa Komisiyo ishinzwe amategeko ari nawe wagejeje iyi raporo ku bandi badepite
Depite Dora Byamukama muri iyi nteko rusange
Depite Leonce Ndarubagiye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved