Kwamamaza

Amerika yongeye kubuza abaturage bayo kujya mu Burundi

Yanditswe kuya 16-11-2016 saa 07:18' na Ntakirutimana Deus


Ubunyamabanga bwa Leta Zunze Ubumwe za Amerika bwasabye Abanyamerika kudakora ingendo zigana mu Burundi kubera ibibazo by’umutekano muke bikomeje kuharangwa.

Ibyo bibazo bya politiki ngo birimo n’ubwicanyi ndetse n’ubundi bugizi bwa nabi bugikomeje muri icyo gihugu. Ibyo bibazo kandi ngo bishobora gukurikirwa no gusubiranamo hagati y’Abarundi nkuko VOA yabitangaje

Amerika yabisabye ibicishije mu itangazo ryasohowe n’urwo rwego ku wa kabiri tariki ya 15 Ugushyingo 2016. Rikaba rije rikurikira iryo yari yarasohoye tariki ya 11 Werurwe 2016.

Amerika ivuga ko ibitero byagabwe n’abarwanya ubutegetsi bwa Nkurunziza, abahoze ari abarwanyi n’imitwe ivuye mu Burasirazuba bwa Republika Iharanira Demokrasi ya Congo, byatumye habaho uguhangana gukomeye mu ntambara yaguyemo benshi, ibitero byagabwe ku basivili no gushimuta abantu.

Ubunyamabanga bushinzwe Ububanyi n’Amahanga bwa Leta Zunze Ubumwe za Amerika bwamenyesheje abakozi ba Ambasade ya Amerika mu Burundi ko batemerewe kujya aho bashaka hose mu gihe bagiye mu bice bimwe byo mu Burundi.

Abakozi ba Ambasade ya Amerika ntibemerewe kujya hanze y’Umurwa Mukuru Bujumbura nijoro. Naho Kujya Kibitoke , Gasenyi, Kamenge, Kinama, Musaga, Mutakura na Nganara, bikaba bisaba kubanza kubisabira uruhushya.

Ubwo bunyamabanga butangaza ko imvururu zishingiye kuri politiki zikomeje muri icyo gihugu, kuva haba amatora ya Perezida wa Repubulika yabayemo igeragezwa ryo guhirika ubutegetsi ndetse n’impaka zo kureba niba Perezida Pierre Nkurunziza yari yemerewe kwiyamamariza manda ya gatatu.

Ibitero by’intwaro na gerenade byagiye byikurikiranya kenshi muri icyo gihugu, bikozwe n’imitwe yitwaje intwaro. Hashyizweho za bariyeri, abapolisi n’abasirikare bivugwa ko bashobora kubangamira ubwigenge bw’abaturage mu bijyanye n’urujya n’uruza mu bwisanzure. Polisi y’icyo gihugu yagiye isaka inzu z’abaturage mu rwego rwo kugenzura ko nta ntwaro zirimo.

Imvururu zo mu Burundi zimaze imyaka igera kuri ibiri

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved