Amerika yaburiye abakorera ingendo muri Tanzania

Yanditswe na IGIHE
Kuya 3 Gashyantare 2021 saa 08:34
Yasuwe :
0 0

Leta Zunze Ubumwe za Amerika zaburiye abakorera ingendo muri Tanzania zibibutsa ko bishobora kubashyira mu byago byo kwandura COVID-19.

Mu itangazo ikigo cya Amerika gishinzwe kurwanya no gukumira indwara z’ibyorezo, CDC, cyashyize hanze rigaragaza ko Tanzania iri mu rwego rwa kane bivuze ko uhakoreye urugendo aba ari mu byago byinshi byo kwandura COVID-19 kandi byihuse.

Riti “Abakora ingendo bagomba kwirinda ingendo zose zijya muri Tanzania. Kuhakorera urugendo bishobora ku kongerera ibyago byo kwandura no gukwirakwiza COVID-19.”

Iri tangazo rikomeza risaba abakorera ingendo muri Tanzania kubanza kwipimisha COVID-19 mbere y’amasaha 72 kandi bakabigenza gutyo n’igihe bagiye kuhava.

Riti “Igihe uri mu rugendo ambara agapfukamunwa kawe, hana intera n’abandi mutari kumwe mu rugendo, karaba intoki cyangwa ukoreshe umuti usukura intoki kandi uhe agaciro ibimenyetso by’uburwayi ushobora kugaragaza.”

Hashize igihe Tanzania itangaza ko yabashije kurandura burundu icyorezo cya COVID-19 ku buryo imibare y’abandura iheruka gutangazwa ari iyo muri Gicurasi 2020.

Uku kuba abayobozi ba Tanzania bavuga ko nta COVID-19 irangwa muri iki gihugu ntibivugwaho rumwe cyane ko na Kiliziya Gatolika yo muri iki gihugu iherutse gusaba abayoboke bayo kwitwararika ngo kuko iki cyorezo cyaba cyarongeye kubyutsa umutwe.

Leta Zunze Ubumwe za Amerika zaburiye abakorera ingendo muri Tanzania zivuga ko bishobora kubashyira mu byago byo kwandura COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .