00:00:00 IGIHE NETWORK KN KINYARWANDA EN ENGLISH FR FRANCAIS

Algeria: Umuganga yakatiwe igifungo azira gutuka Perezida

Yanditswe na Mutangana Gaspard
Kuya 5 Gicurasi 2021 saa 11:13
Yasuwe :
0 0

Umuganga w’indwara z’abagore (gynecologist), Dr.Amira Bouraoui, yakatiwe igifungo cy’imyaka ibiri nyuma yo guhamwa n’ibyaha birimo gutuka Perezida wa Algeria, Abdelmadjid Tebboune.

Dr. Bouraui w’imyaka 45, akaba n’umubyeyi w’abana babiri, yahamijwe n’urukiko guharabika Isilamu no gutuka Perezida wa Algeria, maze akatirwa gufungwa imyaka ibiri.

Uyu mugore ni umwe mu bakoze imyigaragambyo yiswe Hirak yakuye Perezida Abdelaziz Bouteflika ku butegetsi mu 2019.

Abaharanira uburenganzira bw’ikiremwamuntu, bavuze ko Dr. Bouraui yajuririye icyemezo cy’urukiko bityo akaba atahise afungwa.

Mu mwaka ushize, Dr Bouraoui yari yarafunzwe, ariko muri Kamena 2020 aza kurekurwa by’agateganyo.

Biravugwa ko kugeza ubu, muri Algeria abasaga 70 bari muri gereza, bazira imyigaragambyo yakuye ku butegetsi Abdelaziz Bouteflika wahoze ari Perezida.

Barimo kandi n’abandi bafunzwe bazira kwigaragambya basaba ubwisanzure mu gutanga ibitekerezo.

Dr.Amira Bouraoui yakatiwe gufungwa imyaka ibiri azira gutuka Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .