Afurika yacuruje ibicuruzwa bifite agaciro ka miliyari 997 z’amadolari mu 2018

Yanditswe na HABIMANA James
Kuya 22 Kamena 2019 saa 12:44
Yasuwe :
0 0

Ibyo umugabane wa Afurika wacuruje byiyongereyeho 3.4% hagati y’umwaka wa 2017 na 2018, nubwo ubukungu bw’uyu mugabane bwagiye busubira inyuma muri icyo gihe, nk’uko raporo ya African Export-Import Bank (Afreximbank) yabigaragaje.

Raporo mu by’ubucuruzi bw’uyu mugabane ya 2019 yamurikiwe i Moscow mu Burusiya, yagaragaje ko ibyo uyu mugabane wacuruje mu 2018 byari bifite agaciro ka miliyari 997.9 z’amadorali.

Umuryango mpuzamahanga w’ubucuruzi, wavuze ko ingano y’ibyacurujwe ku Isi yose byiyongereyeho 3% bivuye kuri 4.6% byariho mu 2017.

Iyi raporo yagaragaje ko ubukungu bw’umugabane wa Afurika bwakomeje kwihanganira ibibazo by’ubukungu ku Isi, nk’intambara mu by’ubukungu n’ibihano byagiye biranga Leta Zunze Ubumwe za Amerika n’u Bushinwa.

Iyi raporo yagaraje ko ibihugu byo mu muryango w’Ubumwe bw’u Burayi ari byo bikomeje kuza imbere mu guhahirana cyane na Afurika mu 2018, aho byihariye 29.8%, u Bushinwa n’u Buhinde nabyo byihariye 21% mu gucuruzanya na Afurika muri uwo mwaka.

Ubucuruzi hagati y’ibihugu ku mugabane wa Afurika ho byari kuri 17% n’agaciro k’amadorali miliyari 159 gusa.

Raporo yavuze ko Afurika ifite amahirwe menshi yo kugira ibyo ikora kuko ibyo uyu mugabane utanga ku rwego rw’Isi bifite gusa 2.6% bivuye kuri 2.4% byariho mu 2017.

Iyi raporo kandi yaragaragaje ko ubucuruzi hagati y’uyu mugabane bukiri hasi ugereranyije n’ubukorwa ku migabane y’i Burayi na Aziya.

Ivuga ko “Ibihugu bya Afurika bigomba gushyira imbaraga mu guteza imbere amahirwe akiri mu ikoranabuhanga kuko nibyo bizongera iterambere kuri uyu mugabane.”

Prof. Benedict Oramah, umuyobozi wa Afreximbank, yagize ati “Ni ngombwa ko Afurika ikoresha amahirwe ahari harimo ajyanye n’isoko rimwe ry’uyu mugabane n’ibindi.”

Yavuze ko ari ngombwa ko hatezwa imbere ibyerekeye inganda, hagatezwa imbere ibikorwa remezo kugira ngo bifashe mu guhuza ibice bigize Afurika.

Prof. Benedict Oramah, umuyobozi wa Afreximbank yavuze ko ari ngombwa ko Afurika ikoresha amahirwe ahari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza