Afurika y’Epfo yafatiriye indege ya Air Tanzania

Yanditswe na IGIHE
Kuya 24 Kanama 2019 saa 01:30
Yasuwe :
0 0

Guverinoma ya Tanzania kuri uyu wa Gatanu yatangaje ko ubuyobozi bwa Afurika y’Epfo, bwafatiriye indege ya sosiyete yayo ikora ubwikorezi bwo mu kirere, Air Tanzania.

Umunyamabanga uhoraho muri Minisiteri ishinzwe imirimo ya leta, ubwikorezi n’itumanaho, Leonard Chamuriho, yavuze ko iyi ndege ya Jet yahatiwe guhagarika urugendo ruva Oliver Tambo International Airport muri Johannesburg ijya i Dar es Salaam, nyuma y’itegeko ryatanzwe n’urukiko rukuru rwa Gauteng.

The East African yanditse ko kugeza ubu nta mpamvu yatanzwe y’uko gufatirwa kw’iyo ndege. Chamuriho yongeyeho ko Guverinoma yabimenyeshejwe na Ambasade yayo muri Afurika y’Epfo.

Ati “Turimo gukora ibishoboka kugira ngo indege irekurwe byihuse”.

Umuyobozi wa Air Tanzania, Ladislaus Matindi, avuga ko bashakishije uburyo abagenzi bagizweho ingaruka n’iki cyemezo bagenda mu zindi ndege.

Air Tanzania kuri uyu wa Gatandatu yimuye ingendo yari ifite. Ntabwo ari ubwa mbere indege z’iyi sosiyete zihura n’ikibazo nk’iki muri Afurika y’Epfo.

Afurika y’Epfo yafatiriye indege ya Air Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza