Afurika y’Epfo igiye gufungura imipaka

Yanditswe na Bukuru JC
Kuya 14 Gashyantare 2021 saa 09:09
Yasuwe :
0 0

Guverinoma ya Afurika y’Epfo yatangaje ko yafashe icyemezo cyo kongera gufungura ingendo zambukiranya imipaka yo ku butaka nyuma y’igihe zari zimaze zifunze mu kwirinda ikwirakwira ry’icyorezo cya COVID-19.

Muri Mutarama nibwo Afurika y’Epfo yafashe icyemezo cyo gufunga imipaka kubera ubwandu bwari bukomeje kwiyongera. Inama y’Abaminisitiri yateranye ku wa 14 yafashe icyemezo cy’uko kuri uyu wa Mbere iyi mipaka yongera gufungurwa.

Imipaka izafungurwa yose hamwe ni 20 irimo ihuza Afurika y’Epfo na Zimbabwe, Botswana, Mozambique, Namibia, Lesotho na Eswatini.

Minisitiri w’Ubutegetsi bw’Igihugu muri Afurika y’Epfo, Aaron Motsoaledi, yavuze ko ubwo iyi mipaka izaba ifunguwe hazashyirwaho ingamba zo gukomeza kwirinda COVID-19 mu bayambukiranya ndetse buri wese akazajya abanza kwerekana icyangombwa cy’abaganga cyemeza ko adafite iki cyorezo.

Afurika y’Epfo ni kimwe mu bihugu byazahajwe cyane na COVID-19 ku Mugabane wa Afurika aho kugeza uyu munsi imaze kwica abarenga ibihumbi 47 mu gihe abasaga miliyoni 1.5 bayanduye.

Muri Mutarama 2021 ni bwo Afurika y'Epfo yafunze imipaka yo ku butaka nyuma y'uko hari hamaze kugaragara ubwoko bushya bwa COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .