00:00:00 IGIHE NETWORK KN KINYARWANDA EN ENGLISH FR FRANCAIS

Hamdok wahiritswe ku butegetsi yigaragaje nk’igisubizo cy’ibibazo biri muri Sudani

Yanditswe na IGIHE
Kuya 2 Ugushyingo 2021 saa 12:15
Yasuwe :
0 0

Abdalla Hamdok uherutse guhirikwa ku mwanya wa Minisitiri w’Intebe ndetse agahita atabwa muri yombi n’abasirikare, yagaragaje ko we na Guverinoma ye yasheshwe aribo gisubizo ku bibazo iki gihugu gifite.

Mu cyumweru gishize nibwo Minisitiri w’Intebe wa Sudani, Abdallah Hamdok, yatawe muri yombi n’Ingabo z’iki gihugu zimufungira iwe mu rugo.

Hashize igihe Sudani iri mu bihe by’imvururu hagati y’abasirikare n’abasivile bapfa isaranganya ry’ubutegetsi nyuma y’ihirikwa rya Omar al-Bashir wayoboraga iki gihugu.

Amakuru dukesha BBC avuga ko Abdalla Hamdok yavuze ko we na Guverinoma ye aribo bari igisubizo kuri ibi bibazo bimaze igihe muri Sudani. Ibi uyu mugabo ngo yabitangaje ubwo yasurwaga n’abahagarariye ibihugu byabo muri Sudan.

Kugeza ubu Hamdok aracyafungiwe iwe. Nyuma yo guhirikwa ku butegetsi ku wa 25 Ukwakira 2021, Guverinoma ye yahise iseswa.

Iki gikorwa cy’abasirikare cyatumye muri Sudan haduka imyigaragambyo y’abaturage basaba abasirikare gusubiza ubutegetsi mu maboko y’abasivile.

Abdalla Hamdok wahiritswe ku butegetsi yigaragaje nk’igisubizo cy’ibibazo biri muri Sudani

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .