Kwamamaza

Abanyeshuri bo mu Rwanda bakumiriwe muri Kaminuza yigisha iby’amategeko muri Kenya

Yanditswe kuya 29-11-2016 saa 08:08' na Ntakirutimana Deus


Leta ya Kenya yahagaritse iyakirwa ry’abanyeshuri bakomoka mu Rwanda, Uganda, u Burundi na Tanzania muri Kaminuza yigisha iby’amategeko Kenya School of Law, mu cyiciro cyayo cya gatatu cya kaminuza (masters).

Umuyobozi w’Inama y’Ubutegetsi y’iyi Kaminuza, Patrick Lumumba, yatangaje ko icyo cyemezo cyafashwe n’Ikigo gishinzwe Uburezi muri icyo gihugu.

Ati “Twakiriye ibaruwa tariki ya 25 Ukwakira itumenyesha ko nta wundi munyeshuri wemerewe kwakirwa ngo yige ayo masomo uretse Umunyakenya.”

Mu itangazo yashyize hanze kuya 17 Ugushyingo, Prof Lumumba yakomeje avuga ko iyo baruwa igaragaza ko abanyeshuri badafite ubwenegihugu bwa Kenya, ubusabe bwabo butagomba kwakirwa.

Umuyobozi w’Ikigo gishinzwe Uburezi muri Kenya, Prof Kulundu Bitonye yatangaje ko uwo mwanzuro wafashwe nyuma y’amakosa yagaragaye mu iyakirwa ry’abanyeshuri b’abanyamahanga muri iryo shuri.

Daily Nation dukesha iyo nkuru ivuga ko Prof Bitonye yemeza ko icyo kibazo cyaganiriweho n’itsinda ryashyizweho ku bijyanye n’impinduka mu burezi mu gikorwa cyateguwe n’Ibiro by’Intumwa Nkuru ya Leta ndetse n’Urwego rw’Ubutabera muri icyo gihugu.

Umuyobozi w’Ihuriro ry’Abanyamategeko muri Uganda (Uganda Law Society -ULS), Francis Gimara yandikiye ihuriro nk’iri rya Kenya tariki ya 22 Ugushyingo 2016, abwira Perezida waryo Isaac Okero, ko ibyo bakoze bidahuje n’amategeko n’amabwiriza agenga urujya n’uruza rw’abantu na serivisi mu Karere.

Yavuze amabwiriza ashyiraho isoko rihuza ibihugu byo mu karere ku bijyanye n’urujya n’uruza rw’abantu n’ibintu ndetse n’ibijyanye n’imitangire ya serivisi ntaho akumira abantu mu bijyanye na serivisi z’amategeko.

Yasabye ubuyobozi bw’iryo huriro rihuza abanyamategeko muri Kenya gusaba leta kwisubiraho kuri uwo mwanzuro.

Umuyobozi wa Kaminuza yigisha amategeko muri Kenya, Patrick Lumumba

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved