Kwamamaza

Abantu bakomeye bitambitse igurishwa rya Crane Bank muri Uganda

Yanditswe kuya 8-11-2016 saa 06:46' na Rabbi Malo Umucunguzi


Itsinda ry’abanyamigabane barimo Amama Mbabazi wigeze kuba Minisitiri w’Intebe wa Uganda na Dr Ruhakana Rugunda wamusimbuye, bandikiye urukiko rurengera Itegeko Nshinga, basaba ko Crane Bank iri mu bihombo bidasanzwe itagurishwa.

Abo bantu bakomeye bari mu itsinda ry’abanyamigabane bari barayiguze mu yitwaga National Bank of Commerce (NBC), ariko imigabane iza kwegurirwa Crane Bank mu myaka ine ishize, ariko abanyamigabane ntibabona neza uko byakozwe.

Mu 2012 nibwo Banki Nkuru ya Uganda yafashe umwanzuro ko ugukomeza imirimo kwa NBC kutakiri mu nyungu y’abayibitsagamo, ifata umwanzuro wo kwirukana ubuyobozi bwayo, amakonti yari yarayifungujwemo n’abayibitsagamo kimwe n’imitungo yayo bihabwa Crane Bank kuwa 1 Ukwakira 2012.

Daily Monitor yatangaje ko mu ibaruwa yo kuwa 4 Ugushyingo yagenewe ubwanditsi bw’urukiko ndetse bagenera kopi Umushinjacyaha Mukuru Bart Katureebe n’umwungirije Steven Kavuma, bagaragaza ikibazo cy’igurishwa rya Crane Bank cyagenzwa buhoro kuko kitarumva n’urukiko.

Abavoka ku ruhande rwa Mbabazi n’abandi banyamigabane 270 barimo Minisitiri w’Intebe Ruhakana Rugunda, mu ibaruwa yabo bavuze ko Urukiko rw’Ikirenga rwafashe umwanzuro ko igurishwa rya NBC riba rihagaze kugeza ubwo hazumvikanwa uko bizakorwa, n’ubu bikaba bitarashoboka.

Bati “Abantu baramenyeshwa n’abanyamigabane ba NBC ko Crane Bank iri gushyirwa ku isoko irebwa n’ikibazo kuko NBC n’imitungo yayo igera kuri miliyoni $200 bikiri muri Crane Bank Ltd.”

“Twumvise ko bagiye kugurisha Crane Bank ariko se ubwo ni amabanki angahe baragurisha? Abakiliya banjye babona ko ari ikibazo ku muntu wese wagerageza kugura Crane Bank ibyo bibazo bitarakemuka.’’

Banki Nkuru ya Uganda yaherukaga gutangira gukurikirana imicungire ya Crane Bank ihita inirukana abayobozi bayo bose, nyuma yo kugaragaza ko itari igishoboye gukomeza imikorere yayo isanzwe, ndetse imari shingiro yayo ikagabanuka bidasanzwe.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved