00:00:00 IGIHE NETWORK KN KINYARWANDA EN ENGLISH FR FRANCAIS

Abantu 20 baguye mu mpanuka ya gari ya moshi i Kisangani

Yanditswe na Bukuru JC
Kuya 4 Nzeri 2021 saa 02:19
Yasuwe :
0 0

Abantu bagera kuri 20 baguye mu mpanuka ya gari ya moshi ku muhanda uhuza Umujyi wa Kisangani na teritwari ya Ubundu, aho kuri bitarasobanuka neza icyatumye iyi gari ya moshi iyoba inzira yayo.

Guverineri w’agateganyo w’Umujyi wa Kisangani, Maurice Abibu Sakapela, yasabye ko habaho izuzuma ryimbitse ku mpamvu yateye iyi mpanuka.

Amakuru make kuri iyi mpanuka yatangiye kujya ahagaragara ku wa Kane nyuma y’aho ibaye ku mugoroba wo ku wa Gatatu mu mvura y’amahindu.

Umuryango utegamiye kuri leta witwa Sauti Yalubunga, ukorera mu gace iyi mpanuka yabereyemo, watangaje ko kuba iyi gari ya moshi yari ipakiye birenze ubushobozi bwayo biri mu byaba byarateye impanuka.

Uretse abagenzi, iyi gari ya moshi ngo yari ipakiye imizigo myinshi irimo ibikomoka kuri peteroli, sima n’ibindi.

Inkuru ya Radio Okapi ivuga ko imirambo 15 irimo n’iy’abana bane ari yo yahise iboneka impanuka ikiba mu gihe umwe mu bayirokotse yatangaje ko indi itandatu yabonetse kuri uyu wa Gatanu.

Ifoto y'Umujyi wa Kisangani yafatiwe mu kirere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .