Kwamamaza

Abana 145 bakoreshwaga mu gisirikare muri Sudani y’Epfo barekuwe

Yanditswe kuya 28-10-2016 saa 16:00' na Jean Pierre Tuyisenge


Ishami ry’Umuryango w’Abibumbye ryita ku bana Unicef, ryatangaje ko umutwe w’abarwanyi batavuga rumwe n’ubutegetsi bwa Sudani y’Epfo (SPLA) wa Riek Machar warekuye abana bagera ku 145 wari warashyize mu gisirikare cyawo.

Nkuko iryo shyami ribitangaza, ngo abo bana bari mu gace ka Pibor ko mu ntara ya Jonglei barekuwe n’Umuyobozi w’uwo mutwe Dr. Riek Machar ku wa Gatatu tariki ya 26 Ukwakira 2016.

The Eastafrican yanditse iyi nkuru ivuga ko uhagarariye Unicef muri icyo gihugu Mahimbo Mdoe, yashimye iyo ntambwe yatewe asaba ingabo zaba iza Leta n’iza Riek Machar kurekura abandi bakiri mu gisirikare.

Yagize ati “ Icyizere dufite ni uko nyuma y’aba barekuwe hazongera hakarekurwa abandi ku buryo abana basaga 16,000 bashyizwe mu gisirikare barekurwa bagasubizwa mu miryango yabo.”

Imiryango iharanira uburenganzira bw’ikiremwamuntu ivuga ko abana bambuwe ejo habo hazaza kuva intambara yatangira muri icyo gihugu.

Mdoe yongeyeho ati “ Tubabajwe n’uburyo abana bakomeza gushyirwa mu gisirikare cya Leta n’icya Riek Machar utavuga rumwe n’ubutegetsi, cyane cyane mu gace ka Nile ya ruguru. Muri iyi mirwano ikomeje muri icyo gihugu, Unicef yakomeje kwakira amakuru yo kuba abana barashyizwe mu gisirikare, mu gace ka Jonglei no mu zindi ntara.”

Yasabye impande zombi zihanganye muri icyo gihugu kubahiriza amategeko mpuzamahanga no guhita barekura abana bose bashyize mu gisirikare.

Raporo y’Ishami ry’Umuryango w’Abibumbye ryita ku bana Unicef, ivuga ko nibura abana 16 800 bashyizwe mu gisirikare ku ngufu kuva amakimbirane yatangira muri icyo gihugu mu mwaka wa 2013.

Amasezerano y’i Genève yo mu mwaka wa 1949, abuza ibihugu gushyira no gukoresha abana bari munsi y’imyaka 15 mu gisirikare.

Kuva intambara ihuje Perezida Salva Kiir n’uwahoze ari visi perezida we Riek Machar yatangira muri icyo gihugu mu mwaka wa 2013, abatari bake bamaze kuhasiga ubuzima ndetse n’abaturage babarirwa mu magana bata ingo zabo nkuko bitangazwa n’Umuryango w’Abibumbye.

Abana 145 barekuwe ariko abandi babarirwa mu bihumbi baracyari mu gisirikare

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved