Abadepite bo muri Uganda bibasiwe n’ubujura bw’ikoranabuhanga butuma binjirirwa muri telefoni

Yanditswe na Jean Pierre Tuyisenge
Kuya 16 Gashyantare 2018 saa 10:58
Yasuwe :
1 0

Abadepite benshi bo mu Nteko Ishinga Amategeko ya Uganda bibasiwe n’ubujura bw’ikoranabuhanga butuma binjirirwa mu mabanga ya telefoni zabo ngendanwa.

Umudepite uhagarariye Urubyiruko rwo mu Burengerazuba mu Nteko, Mwine Mpaka, yasobanuye uko Sim Card ye yafunzwe mu minsi ibiri ikaza kugarurwa ku murongo.

Mwine yatangarije Daily Monitor dukesha iyi inkuru ko muri icyo gihe atashoboraga guhamagara no kwitaba kuko umujura yayikoreshaga avugana n’abantu akanaboherereza ubutumwa abasaba amafaranga.

Ikibazo cye yakigejeje kuri Polisi no kuri MTN Uganda, gusa nyuma y’uko Sim Card ye igarutse ku murongo yisanze mu itsinda rya WhatsApp ry’abaminisitiri.

Mwine yavuze ko yagerageje kwitabaza Urwego rushinzwe Itumanaho muri Uganda (UCC) ku birebana n’ubwo bujura, akabwirwa ko badafite ibikoresho bihagije byo guhangana n’icyo kibazo.

Mu Ukuboza 2017, umudepite uhagarariye Urubyiruko rwo mu Burasirazuba, Ishma Mafabi, na we telefoni ye yakoreshejwe n’abajura.

Abadepite bavuze ko bakiriye ubutumwa bwinshi buturuka kuri Mafabi, bubasaba amafaranga, bamwe muri bo barayohereje batekereza ko ariwe bari kuyaha.

Ibibazo bishingiye ku bujura bw’ikoranabuhanga si ubwa mbere bivuzwe ku Isi, aho abajura bakoresha telefoni z’abandi bakinjira muri za konti zabo za banki.

Abahanga mu by’ikoranabuhanga bemeza ko byoroshye kwinjira muri telefoni z’abantu kuko icyo abajura bakenera kumenya ari nimero ya telefoni, amazina n’andi makuru yo kuri internet n’ibindi bike birimo itariki y’amavuko.

Umunyamabanga wa Leta muri Minisiteri y’Umutekano w’Imbere mu gihugu, Obiga Kania, yavuze ko bagiye gufatanya na Minisiteri y’Ikoranabuhanga n’Itumanaho kugira ngo bakemure icyo kibazo.

Abahanga mu ikoranabuhanga bakomeje kwinjira mu mabanga ya telefone z'abadepite muri Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza