Abacamanza icyenda nibo bazumva ikirego Bobi Wine ashinjamo Museveni kumwiba amajwi

Yanditswe na Muhonzire Sylvine
Kuya 4 Gashyantare 2021 saa 10:04
Yasuwe :
0 0

Nyuma y’uko Robert Kyagulanyi uzwi ku izina rya Bobi Wine atanze ikirego gikubiyemo ingingo 26 zose zigamije kuburizamo ibyavuye mu matora y’umukuru w’igihugu yegukanywe na Perezida Yoweri Museveni, biteganyijwe ko abacamanza icyenda aribo bazumva ikirego cye.

Ku wa Mbere tariki 1 Gashyantare nibwo Bobi Wine yagejeje ikirego cye mu rukiko rw’ikirenga, arusaba ko habaho andi matora aciye mu mucyo ngo kubera ko Komisiyo y’amatora yananiwe kuyakurikirana neza nkuko amategeko abiteganya.

Mu rubanza ruzaba mu minsi 45 kuva igihe ikirego cyagereye mu rukiko, ni ukuvuga tariki 17 Werurwe uyu mwaka, Bobi Wine azaburanirwa n’abanyamategeko 7, mu gihe abacamanza bazarwumva bazaba ari icyenda.

Daily Monitor ivuga ko urukiko rw’ikirenga rugira abacamanza icumi, ariko urubanza nk’urwo rukomeye ruzumvwa n’abacamanza icyenda kugira ngo mu gihe habayeho ubwumvikane buke rutazabura gica.

Abacamanza icyenda bazumva uru rubanza harimo Perezida w’urukiko rw’Ikirenga Owiny-Dollo, Dr. Esther Kisaakye Kitimbo, Stella Arach-Amoko, Rubby Aweri Opio, Faith Essy Mwondha, Paul Kahaibale Mugamba, Ezekiel Muhanguzi, Percy Night Tuhaise ndetse na Mike Chibita.

Bobi Wine mu kirego cye aregamo Perezida Museveni ibirego 6, Komisiyo y’amatora ibirego 11 ndetse n’intumwa nkuru ya Leta iregwa ibirego 9.

Iki kirego cya Bobi Wine ni icya Kane kirezwe Perezida Museveni ku byerekeranye n’intsinzi ye mu matora, amaze kwitabira inshuro esheshatu kuva 1996.

Mu bandi bigeze kumurega harimo Kizza Besigye umaze kwiyamamariza kuba perezida inshuro enye, aho yatanze ikirego inshuro ebyiri mu 2001 na 2006. Icya Gatatu cyatanzwe mu 2016 n’uwahoze ari minisitiri w’intebe Amama Mbabazi wari umukandida wigenga.

Abacamanza icyenda b'urukiko rw'ikirenga nibo bazumva ibirego bijyanye n'amatora byatanzwe na Bobi Wine

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .