Tariki ya 08 Ugushyingo

Yanditswe na

Ubwanditsi

Kuya 8 Ugushyingo 2018 saa 06:31
Yasuwe :
0 0

Tariki 8 Ugushyingo ni umunsi wa 312 w’umwaka ku ndangaminsi ya Geregori. Hasigaye iminsi 53 kugirango umwaka urangire.

1520: Ingabo za Danemark zateye Suede hicwa abantu barenga 100.

1895: Ubwo yarimo arakora ubushakashatsi ku mashanyarazi, Whilhem Rontgen yavumbuye Rayon X (X-Ray).

1923: Muri kudeta yiswe iya Beer Hall yabereye i Munich, Abanazi barangajwe imbere na Adolph Hitler bagerageje guhirika ubutegetsi bwo mu Budage ariko ntibabigeraho.

1933: Ubwo yatangizaga politiki nshya yo kuzahura ubukungu yise New Deal, Perezida wa Leta Zunze Ubumwe za Amerika Franklin D. Roosevelt yashyizeho ibiro bishinzwe gutanga akazi ko kubaka ibikorwa remezo, ibi biro bikaba byaragombaga gushakira akazi abashomeri babarirwaga muri miliyoni enye.

1966: Uwahoze ari Avoka Mukuru wa Leta ya Massachussets, Edward Brooke, yabaye umwirabura wa mbere w’Umunyamerika wabaye senateri.

2002: Icyemezo nimero 1441 cy’akanama gashinzwe amahoro ku isi ka Loni cyemeje umwanzuro kuri Iraq wasabaga Saddam Hussein gushyira intwaro hasi bitihise agahura n’ingaruka zikomeye.

1952: Polisi ya Afurika y’Epfo mu gihe cya guverinoma ya ba gashakabuhake (apartheid) yarekuriye amasasu ku birabura bigaragambyaga, yicamo 14 naho abandi 39 barakomereka.

1956: Ingabo z’u Bufaransa n’iz’Abongereza zahagaritse ibikorwa byazo bya gisirikare mu bunigo bwa Suez (Canal de Suez) mu rwego rwo kubahiriza amasezerano yasinywe bigizwemo uruhare na Loni, aya akaba yaravugaga ko basimburwa n’ingabo zibungabunga amahoro z’ibihugu bitandukanye bitari bifite aho bihurira n’icyo kibazo.

1959: U Bubiligi bwohereje ingabo zabwo z’inyongera muri Congo-Mbiligi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza