Kwamamaza

Tariki 25 Kanama

Yanditswe kuya 25-08-2015 saa 05:55' na SHIKAMA Dioscore


Tariki ya 25 Kanama ni umunsi wa magana abiri na mirongo itatu n’umunani mu minsi igize umwaka; hasigaye iminsi ijana na makumyabiri n’irindwi uyu mwaka ukagera ku musozo.
Uyu munsi Kiliziya Gatolika irizihiza mutagatifu Marcien na Joseph Calasanz.
Bimwe mu byaranze uyu munsi mu mateka
1580: Mu gitero cyiswe Alcântara ingabo z’igihugu cya Espagne zakubiswe inshuro n’iza Portugal.
1609: Umuhanga n’umuvumbuzi wo mu gihugu cy’u Butaliyani witwa Galileo Galilei yerekanye imikorere ya telescope (...)

Tariki ya 25 Kanama ni umunsi wa magana abiri na mirongo itatu n’umunani mu minsi igize umwaka; hasigaye iminsi ijana na makumyabiri n’irindwi uyu mwaka ukagera ku musozo.

Uyu munsi Kiliziya Gatolika irizihiza mutagatifu Marcien na Joseph Calasanz.

Bimwe mu byaranze uyu munsi mu mateka

1580: Mu gitero cyiswe Alcântara ingabo z’igihugu cya Espagne zakubiswe inshuro n’iza Portugal.

1609: Umuhanga n’umuvumbuzi wo mu gihugu cy’u Butaliyani witwa Galileo Galilei yerekanye imikorere ya telescope ye imbere y’abanyamategeko bo mu gace ka Venice.

Galileo Galilei

1814: Umujyi wa Washington, DC muri Leta Zunze Ubumwe z’Amerika watwitswe bikomeye n’ingabo z’Abongereza ndetse hangizwa bikomeye inzu y’ibiro bya Perezida w’iki gihugu (White House/Maison Blanche).

1825: Igihugu cya Uruguay cyatangaje ubwigenge bwacyo, cyibohora ubukoloni bwa Brazil.

1830: Hatangiye Impinduramatwara yo mu gihugu cy’u Bubiligi.

1898: Abagereki bagera kuri 700 n’Abongereza 17 bivuganywe n’Abanyatukiya (Turkish) bari mu Mujyi wa Heraklion, mu gihugu cy’u Bugereki.

1912: Mu gihugu cy’u Bushinwa hashinzwe umutwe wa politiki wiswe Kuomintang.

1914: Mu ntambara ya mbere y’isi, isomero rya Kaminuza ya Leuven ryagabweho ibitero n’ingabo z’Abadage, biba imvano y’ibura ry’imizingo y’inyandiko nyinshi zo mu bihe bya Gothic na Renaissance.

1916: Muri Leta Zunze Ubumwe z’Amerika hashinzwe ikigo cy’igihugu gitanga serivisi zijyanye no kwita ku mapariki United States National Park Service.

1933: Igihugu cy’u Bushinwa cyibasiwe bikomeye n’umutingito by’umwihariko intara ya Mao na Sichuan.
Uyu mutingito wiswe Diexi earthquake wasize wishe abantu bagera ku 9000.

1944: Mu ntambara ya Kabiri y’isi yose, umujyi wa Paris wongeye kwigarurirwa n’ingabo zarwanyaga abanazi n’abo bari bafatanyije, izi ngabo zari zibumbuye mu mutwe wa Allies.

1950: Perezida Harry Truman yategetse igisirikare cya Leta Zunze Ubumwe z’Amerika gukora ubugenzuzi ku nkengero z’imihanda ya gariyamoshi hagamijwe gukumira imyigaragambyo.

1961: Perezida wa Brazil, Jânio Quadros yeguye ku mirimo ye nyuma y’amezi arindwi yonyine ari ku butegetsi.

1980: Igihugu cya Zimbabwe cyinjiye mu Muryango w’Abibumbye.

1989: Mayumi Moriyama yabaye umugore wa mbere wabaye umunyamabanga wa Leta mu mateka y’u Buyapani.

Mayumi Moriyama

1991: Belarus yatangaje ubwigenge bwayo, ihagarikwa kugengwa na Leta Zunze Ubumwe z’Abasoviyete.

Bamwe mu bavutse uyu munsi

1977: Jonathan Togo, Umunyamerika w’umukinnyi w’amafilimi.

1998: China Anne McClain umunyamerikakazi ukina amafilimi.

Bamwe mu batabarutse uyu munsi

2006: Noor Mohamed Hassanali, yabaye Perezida wa Trinidad & Tobago.

2009: Edward M. "Ted" Kennedy, wari senateri uhagarariye Leta ya Massachusetts muri Leta Zunze Ubumwe z’amerika.
Uyu mugabo yari umuvandimwe wa John F. Kennedy.


Kwamamaza
IZINDI NKURU WASOMA
Tariki 11 Kanama
2016-08-11 07:00:00
Tariki ya 10 Kanama
2016-08-10 06:00:00
Tariki 9 Kanama
2016-08-09 07:00:00
Tariki 8 Kanama
2016-08-08 06:07:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 11 August 2016
Copyright © 2009 -2014 - IGIHE Ltd - All Rights Reserved