Kwamamaza

Tariki ya 23 Ugushyingo

Yanditswe kuya 23-11-2015 saa 07:21' na Umuhoza N. Jessica na Shikama Dioscore


Tariki ya 23 Ugushyingo ni umunsi wa 327 ku ngengaminsi ya Geregori. Hasigaye iminsi 38, umwaka wa 2011 ukarangira.
Bimwe mu byaranze uyu munsi
1510: Ubwami bwa Ottoman bwatangije igikorwa cyo kurwanya ubwami bwa Imereti.
1644: Umwongereza John Milton yashyize ahagaragara inyandiko izwi nka ‘Areopagitica’, iyi nyandiko ikaba yaramaganiraga kure ikintu cyose cyatuma hatabaho ubwisanzure mu kuvuga no kugaragaza ibitekerezo (freedom of speech and expression).
1808: u Bufaransa bufatanyije (...)

Tariki ya 23 Ugushyingo ni umunsi wa 327 ku ngengaminsi ya Geregori. Hasigaye iminsi 38, umwaka wa 2011 ukarangira.

Bimwe mu byaranze uyu munsi

1510: Ubwami bwa Ottoman bwatangije igikorwa cyo kurwanya ubwami bwa Imereti.

1644: Umwongereza John Milton yashyize ahagaragara inyandiko izwi nka ‘Areopagitica’, iyi nyandiko ikaba yaramaganiraga kure ikintu cyose cyatuma hatabaho ubwisanzure mu kuvuga no kugaragaza ibitekerezo (freedom of speech and expression).

1808: u Bufaransa bufatanyije n’impera 2 z’izi (Poles), batsinze Espagne mu rugamba rw’I Tudela. Muri uru rugamba ingabo z’Abafaransa zari ziyobowe na Marshal Lannes naho iza Espagne zari ziyobowe na General Castaños.

1971: Abahagarariye u Bushinwa bitabiriye ibikorwa bya Loni ndetse n’iby’akanama kayo gashinzwe umutekano ku nshuro yabo ya mbere.

1993: Rachel Whiteread yatsindiye ibihembo 2 bitangaje birimo icy’amayero 20,000; iki gihembo cyitiriwe Turner, akaba yaragihawe nk’Umwongereza wa mbere w’umunyabugeni bugezweho (best British modern artist). Ni kuri uyu munsi kandi Rachel yahaweho ikindi gihembo cy’amayero 40,000. Iki gihembo cyatanzwe na K Foundation, Rachel yagihawe nk’umunyabugeni mubi w’umwaka (worst artist of the year).

1996: Indege ya Ethiopian Airlines yaguye mu Nyanja y’u Buhinde, nyuma yo gushiramo benzine (fuel). Iyi mpanuka yahitanye abantu basaga 125.

2001: Hashyizwe umukono ku masezerano yemera ko habaho guhana ibyaha bikorerwa kuri mudasobwa na internet muri rusange. Aya masezerano azwi nka ‘Convention on Cybercrime’, cyangwa ‘Budapest Convention on Cybercrime’ cyangwa se na none ‘Budapest Convention’ akaba yarashyiriweho umukono I Budapest muri Hongiriya.

2003: Perezida w’igihugu cya Georgia, Eduard Shevardnadze yeguye ku mirimo ye nyuma y’ibyumweru byinshi byaranzwe n’amakimbirane akaze mu baturage, kubera amatora yari yabayemo uburiganya.

2005: Ellen Johnson Sirleaf yatorewe kuba Perezida wa Liberia, bityo ahita aba umugore wa mbere uyoboye igihugu cyo ku mugabane w’Afurika.

Madamu Ellen Johnson Sirleaf

2006: Umujyi wa Sadr muri Irak, wibasiwe n’ibisasu byahitanye abantu 215, bigakomeretsa abandi 257. Ibi bisasu byaturikijwe mu bitero byamaze iminota 45, ibitero byakozwe n’imodoka za gisirikare 6 ndetse n’ibyiciro 2 by’abiyahuzi batabahsije kumenyekana.

2007: Ubwato bwa MS Explorer, bwari butwaye abagenzi 154 bwibiye mu Nyanja ya Antarctic, mu Majyepfo ya Argentina. Ibi bikaba byarabaye nyuma y’uko ubu bwato bwo mu gihugu cya Liberia bugongeye inkingi ya barafu (Iceberg) yari hafi y’ibirwa bya Shetland. N’ubwo iyi mpanuka yabaye ariko na muntu n’umwe yigeze ihitana.

2010: Koreya y’Amajyaruguru yagabye ibitero ku birwa bya Yeonpyeong byo muri Koreya y’Amajyepfo. Ibi bitero byahise binahabwa izina ry’ibi birwa, byahitanye abasivile 2 ndetse n’abasirikare 2 barwanira mu mazi ku ruhande rwa Koreya y’Amajyepfo.

Bamwe mu bavutse kuri uyu munsi

1967: Gary Kirsten, Umunyafurika y’Epfo uzwi mu mukino wa Cricket.

1980: Ishmael Beah, umwanditsi w’Umunyamerika ukomoka mu gihugu cya Sierra Leone; wamenyekanye ahanini kubera igitabo yise ‘A Long Way Gone: Memoirs of a Boy Soldier’.

Bamwe mu batabarutse

1996: Mohamed Amin, Umunyakenya wakoraga umwuga w’ubunyamakuru bukomatanyijwe no gufotora (photojournalist).

1997: Jorge Mas Canosa, Umunya Cuba warwanyaga ubutegetsi bwa Fidel Castro.

2006: Willie Pep, Umunyamerika wakinaga umukino wa Boxing.


Kwamamaza
IZINDI NKURU WASOMA
Tariki ya 12 Kanama
2016-08-12 06:05:00
Tariki 11 Kanama
2016-08-11 07:00:00
Tariki ya 10 Kanama
2016-08-10 06:00:00
Tariki 9 Kanama
2016-08-09 07:00:00
Tariki 8 Kanama
2016-08-08 06:07:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 15 August 2016
Copyright © 2009 -2014 - IGIHE Ltd - All Rights Reserved