Kwamamaza

Tariki ya 12 Kanama

Yanditswe kuya 12-08-2016 saa 06:05' na SHIKAMA Dioscore


Tariki 12 Kanama ni umunsi wa magana abiri na makumyabiri nagatanu mu minsi igize umwaka, hasigaye iminsi ijana na mirongo ine n’ibiri uyu mwaka ukagera ku musozo.
Uyu munsi Kiliziya Gaturika yizihiza abatagatifu barimo Hilarie wahowe Imana yiciwe ahitwa Ausbourg, yiciwe umunsi umwe na Quiriaque hamwe n’abandi bantu makumyabiri na bane.
Bimwe mu byaranze uyu munsi mu mateka
1914: Mu ntambara ya mbere y’isi yose, igihugu cy’u Bwongereza cyatangaje ko kigiye kugaba ibitero kuri (...)

Tariki 12 Kanama ni umunsi wa magana abiri na makumyabiri nagatanu mu minsi igize umwaka, hasigaye iminsi ijana na mirongo ine n’ibiri uyu mwaka ukagera ku musozo.

Uyu munsi Kiliziya Gaturika yizihiza abatagatifu barimo Hilarie wahowe Imana yiciwe ahitwa Ausbourg, yiciwe umunsi umwe na Quiriaque hamwe n’abandi bantu makumyabiri na bane.

Bimwe mu byaranze uyu munsi mu mateka

1914: Mu ntambara ya mbere y’isi yose, igihugu cy’u Bwongereza cyatangaje ko kigiye kugaba ibitero kuri Austria-Hungary.

1964: Igihugu cya Afurika y’Epfo cyabujijwe kwitabira imikino ngororangingo kubera umurongo wa politiki urebena n’ivangura rishingiye ku ruhu wagaragaraga muri iki gihugu.

1976: Mu ntambara ya gisivile ya Liban yibukwa mu mateka nka Lebanese Civil War, Abanyapalestine babarirwa hagati y’igihumbi n’ibihumbi bitatu na magana atanu barishwe. Ubu bwicanyi buzwi nka Tel al-Zaatar massacre.

Tel al-Zaatar ni agace kari karahungiyemo impunzi z’Abanyapalestine zibarirwa hagati y’ibihumbi mirongo itanu na mirongo itandatu, gaherereye mu Majyaruguru ya Beirut.

1977: Mu gihugu cya Sri Lnkan hadutse imyivumbagatanyo yakurikiye amatora, izi mvururu zibasiye abaturage bo mu bwoko buzwi nka Tamil muri iki gihugu, nyuma y’ukwezi hari kuba iyi myigaragambyo Umuryango w’Abibumbye wabyinjiyemo uje guhosha izi mvururu. Abaturage barenga Magana atatu bo mu bwoko bwa Tamil bahasize ubuzima.

1978: Hashyizwe umukono ku masezerano y’ubucuti n’ubutwererane hagati y’ibihugu by’u Bushinwa n’u Buyapani.

1982: Igihugu cya Mexico cyatangaje ku mugaragaro ko nta bushobozi gifite bwo kwishyura umwenda cyari kibereyemo amahanga. Uku guhungabana k’ubukungu kwageze ubwo gusakara mu bihugu byinshi byo ku mugabane w’Amerika y’Amajyepfo ndetse no mu bindi bihugu byahawe inyito ya Third World.

Iyi nyito ya Third World yakoreshwaga mu bihe by’intambara y’ubutita, yahabwaga ibihugu bitagendera ku mahame ya capitalism ndetse ntibibe no muri NATO.

1985: Indege y’igihugu cy’u Buyapani yitwa Japan Airlines Flight 123 yakoreye impanuka ahitwa Osutaka mu Ntara ya Gunma mu Buyapani, iyi mpanuka yahitanye abantu 520.

Bamwe mu batabarutse uyu munsi

1925: Norris McWhirter, watangije igitabo cyandikwamo abantu besheje uduhigo mu rwego rw’isi. Iki gitabo cyamamaye kizwi nka Guinness Book of Records.

1973: Muqtada al-Sadr, umunyedini w’umunyapolitiki ukomoka mu gihugu cya Iraqi.

Bamwe mu batabarutse uyu munsi

2004: Godfrey Hounsfield, umushakashatsi mu bijyanye na za moteri zikoresha umuriro w’amashanyarazi wo mu gihugu cy’u Bwongereza.

2010: Shyaka Clever: Ahagana saa yine za mu gitondo ni bwo hatangajwe inkuru y’akababaro y’uko Shyaka Claver yitabye Imana mu buryo butunguranye, dore ko yari yumvikanye kuri Radio 10 mu masaha ya saa mbili ubwo yavugaga incamake z’amakuru y’imikino yagombaga kuvuga mu kiganiro cye cyari gikunzwe cyane, yagombaga guhitaho saa sita z’amanywa kuri uwo munsi.


Kwamamaza
IZINDI NKURU WASOMA
Tariki ya 29 Nzeri
2016-09-29 07:00:00
Tariki ya 28 Nzeri
2016-09-28 06:00:00
Tariki 27 Nzeri
2016-09-27 07:00:40
Tariki ya 26 Nzeri
2016-09-26 06:30:00
Tariki 23 Nzeli
2016-09-23 06:30:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 29 Nzeri 2016
Copyright © 2009 -2014 - IGIHE Ltd - All Rights Reserved