Kwamamaza

Tariki 30 Ukwakira

Yanditswe kuya 30-10-2015 saa 06:00' na SHIKAMA Dioscore


Tariki 30 Ukwakira ni umunsi wa 304 mu minsi igize umwaka, hasigaye iminsi 62 uyu mwaka ukagera ku musozo.
Uyu munsi Kiliziya irizihiza Mutagatifu Alphonse Rodriguez, na Marcel.
Bimwe mu byaranze uyu munsi
1905: Czar Nicholas II w’u Burusiya yemeje itegeko nshinga rya mbere ryashyizeho inteko ishinga amategeko n’ubundi butegetsi.
1953: Mu Ntambara y’Ubutita, Perezida wa Leta Zunze Ubumwe z’Amerika Dwight D. Eisenhower yatangaje rimwe mu mabanga ahanitse y’igihugu yari mu nyandiko No.162/2 (...)

Tariki 30 Ukwakira ni umunsi wa 304 mu minsi igize umwaka, hasigaye iminsi 62 uyu mwaka ukagera ku musozo.

Uyu munsi Kiliziya irizihiza Mutagatifu Alphonse Rodriguez, na Marcel.

Bimwe mu byaranze uyu munsi

1905: Czar Nicholas II w’u Burusiya yemeje itegeko nshinga rya mbere ryashyizeho inteko ishinga amategeko n’ubundi butegetsi.

1953: Mu Ntambara y’Ubutita, Perezida wa Leta Zunze Ubumwe z’Amerika Dwight D. Eisenhower yatangaje rimwe mu mabanga ahanitse y’igihugu yari mu nyandiko No.162/2 yavugaga ko ububiko bw’intwaro z’igihugu cye bugomba kwitabwaho ndetse bukagurwa hagamijwe gukanga ibihugu bigendera ku mahame ya gikominisiti.

1972: Muri Leta Zunze Ubumwe z’Amerika, i Chicago muri Illinois habereye impanuka ikomeye aho gari ya moshi ebyiri zagonganye abantu 45 bakahasiga ubuzima, abandi bagera kuri 332 barakomereka bikomeye.

1973: Ku nshuro ya mbere hatashywe ikiraro gihuza umugabane w’Aziya n’u Burayi cyambukiranyije Bosporus; iki kiraro cyitwa Bosporus Bridge kiri mu gihugu cya Turukiya mu mujyi wa Istanbul.

1974: I Kinshasa muri Repubulika Iharanira Demokarasi ya Congo (icyo gihe yitwaga Zaire) habaye umukino ukomeye w’iteramakofe, uhuza igihangange Muhammed Ali na George Foreman. Icyo gihe Mohammed Ali yaratsinze, bityo yesa umuhigo wo kuba uwa mbere ku isi ku nshuro ya Gatatu.

George Foreman (ibumoso) na Mohammed Ali (iburyo)

1980: El Salvador na Honduras bashyize umukono ku masezerano y’amahoro ku kibazo cy’imbibi ibihugu byombi bitumvikanagaho bikarwana binyuze mu mikino y’umupira w’amaguru wabihuzaga mbere y’uko bigera mu butabera mpuzamahanga.

1983: Bwa mbere mu mateka ya Argentina habaye amatora anyuze muri demokarasi, nyuma y’imyaka igera kuri 7 iki gihugu kigendera ku mategeko ya gisirikare.

Bamwe mu bavutse uyu munsi

1906: Hermann Fegelein, Umudage wari mu buyobozi bukuru bw’ingabo z’Abanazi, yari muramu wa Adolf Hitler .

1960: Diego Maradona, icyamamare mu mukino w’umupira w’amaguru ukomoka mu gihugu cya Argentine.

Bamwe mu batabarutse uyu munsi

2002: Aliki Diplarakou, wigeze kuba Nyampinga ku mugabane w’u Burayi.

2007: John Woodruff, Umunyamerika wakinaga imikino ngororangingo.


Kwamamaza
IZINDI NKURU WASOMA
Tariki ya 2 Kanama
2016-08-02 06:30:00
Tariki ya 1 Kanama
2016-08-01 07:00:00
Tariki 31 Nyakanga
2016-07-31 07:30:00
Tariki 29 Nyakanga
2016-07-29 06:30:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 2 August 2016
Copyright © 2009 -2014 - IGIHE Ltd - All Rights Reserved