Kwamamaza

Tariki 30 Ugushyingo

Yanditswe kuya 30-11-2015 saa 06:30' na SHIKAMA Dioscore


Turi kuwa 30 Ugushyingo, ni umunsi wa 334 mu minsi igize umwaka, hasigaye iminsi 31 uyu mwaka ukagera ku musozo.
Bimwe mu byabaye kuwa 30 Ugushyingo
1406 : Hatowe Papa Grégoire XII.
1810 : Havutse Oliver Fisher Winchestter, umucuzi w’imbunda z’ubwoko bunyuranye.
1817 : Havutse Théodore Mommsen, umwanditsi akaba n’umunyamateka. Yakusanyije inyandiko zinyuranye akora n’ubushakashatsi ku mateka ya Roma. Yabiherewe igihembo Nobel mu buvanganzo mu mwaka w’1902.
1874 : Havutse Sir Winston (...)

Turi kuwa 30 Ugushyingo, ni umunsi wa 334 mu minsi igize umwaka, hasigaye iminsi 31 uyu mwaka ukagera ku musozo.

Bimwe mu byabaye kuwa 30 Ugushyingo

1406 : Hatowe Papa Grégoire XII.

1810 : Havutse Oliver Fisher Winchestter, umucuzi w’imbunda z’ubwoko bunyuranye.

1817 : Havutse Théodore Mommsen, umwanditsi akaba n’umunyamateka. Yakusanyije inyandiko zinyuranye akora n’ubushakashatsi ku mateka ya Roma. Yabiherewe igihembo Nobel mu buvanganzo mu mwaka w’1902.

1874 : Havutse Sir Winston Churchill, wabaye Minisitiri w’intebe w’u Bwongereza kuva mu 1932 no mu gihe cy’intambara ya kabiri y’isi.

Sir Winston Churchill

1939 : Leta Zunze Ubumwe z’ Abasoviyeti zagabye ibitero muri Finland burayigarurira.

1942 : Mu Bufaransa, hatowe itegeko ryemerera abagore kuba abaganga. Mbere yaho ntibari babyemerewe, n’ababikoraga babigiraga rwishishwa.

1956 : Nibwo bwa mbere mu mateka ya Televiziyo ku isi hose hatambutse ikiganiro cyafashwe mbere (Pré-enregistrée /Pre-recorded).

1956 : Nibwo ku myaka 21 gusa, Floyd Patterson yabaye igihangange ku isi (Champion du monde) mu mukino wa boxe, akiri muto kurenza abamubanjirije bose. Yaciye aka gahigo amaze guhigika Archie Moore amutsinze K.O.

Floyd Patterson

1966: Igihugu cya Barbados cyatangiye kwigenga, kibohora ingoyi y’ubukoloni bw’Abongereza.

1967: Nibwo igihugu cya Yemen y’Amajyepfo cyabonye ubwigenge.

1980 : Nibwo Jocelyne Triadou yabaye igihangange ku isi mu bakobwa bakina judo bafite ibiro biri munsi ya 72, ubwo yabaga championne du monde .

1988 : Hasohotse Film yakunzwe yiswe "Itinéraire d’un enfant gâté" ya Claude Lelouch, irimo Jean-Paul Belmondo, Richard Anconina na Marie-Sophie L.

1991 : Leta Zunze Ubumwe z’Amerika zatwaye igikombe cy’isi mu mupira w’amaguru ukinwa n’abagore. Batsinze Finland mu mukino wa nyuma wabereye mu Bushinwa.

Bamwe mu bavutse uyu munsi

1985: Kaley Cuoco, Umunyamerika wari umukinnyi w’amafilimi akerekana n’imideri.

1986: Jordan Farmar, umukinnyi wa Basketball wo muri Leta Zunze Ubumwe z’Amerika.

Bamwe mu batabarutse uyu munsi

2010: Rajiv Dixit, umuhanga muri siyansi ukomoka mu gihugu cy’u Buhinde; ni umwe mu bantu bamenyekanye cyane mu gihugu cya Sweden.

2010: Garry Gross, Umunyamerika wari gafotozi mu buryo b’umwuga.


Kwamamaza
IZINDI NKURU WASOMA
Tariki 31 Nyakanga
2016-07-31 07:30:00
Tariki 29 Nyakanga
2016-07-29 06:30:00
TARIKI 28 NYAKANGA
2016-07-28 06:00:00
Tariki 27 Nyakanga
2016-07-27 06:00:00
Tariki 26 Nyakanga
2016-07-26 06:30:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Sunday 31 July 2016
Copyright © 2009 -2014 - IGIHE Ltd - All Rights Reserved