Kwamamaza

Tariki 29 Ukwakira

Yanditswe kuya 29-10-2015 saa 06:30' na SHIKAMA Dioscore


Tariki 29 Ukwakira ni umunsi wa 303 mu minsi igize umwaka, hasigaye iminsi 63 uyu mwaka ukagera ku musozo.
Bimwe mu byaranze uyu munsi
1922: Benito Mussolini yagizwe Minisitiri w’intebe n’Umwami w’u Butaliyani Victor-Emmanuel III. Mussoline azwi cyane mu mateka nk’umwe mu banyagitugu babayeho muri iyi isi.
1923: Igihugu cya Turukiya cyabaye Repubulika; ibi byagezweho nyuma y’iseswa ry’ubwami bwa Ottoman.
1956: Hatangiye ubushyamirane bushingiye ku bunigo (canal) bwa Suez. Iki gihe ingabo (...)

Tariki 29 Ukwakira ni umunsi wa 303 mu minsi igize umwaka, hasigaye iminsi 63 uyu mwaka ukagera ku musozo.

Bimwe mu byaranze uyu munsi

1922: Benito Mussolini yagizwe Minisitiri w’intebe n’Umwami w’u Butaliyani Victor-Emmanuel III.
Mussoline azwi cyane mu mateka nk’umwe mu banyagitugu babayeho muri iyi isi.

1923: Igihugu cya Turukiya cyabaye Repubulika; ibi byagezweho nyuma y’iseswa ry’ubwami bwa Ottoman.

1956: Hatangiye ubushyamirane bushingiye ku bunigo (canal) bwa Suez. Iki gihe ingabo z’igihugu cya Israel zigaruriye Sinai ndetse zirukana ingabo za Misiri kuri ubu bunigo.

1956: Hashyizwe umukono ku masezerano mpuzamahanga yatumye umujyi wa Tanger usubizwa mu mijyi ibarirwa mu gihugu cya Maroc; aya masezerano yiswe Protocole de Tanger.

1957: David Ben Gourion wari Minisitiri w’intebe mu gihugu cya Israel, ari kumwe n’abandi baminisitiri batanu bo muri Guverinoma bakomerekejwe n’ibisasu bya gerenade byatewe mu nzu ikoreramo inteko ishinga amategeko.

1969: Mudasobwa ya mbere yashobora gukorana n’indi, yatangiye kwifashishwa ku muyoboro ARPANET, ari nayo yaje kuba imvano y’ikorwa rya internet.

1983: Abantu barenga ibihumbi 500 bigabije imihanda mu myigaragambyo yo kwamagana intwaro za cruise missiles i La Haye mu gihugu cy’u Buholandi.

1998: Mu gihugu cy’ Afurika y’Epfo hamuritswe ibyagezweho mu cyegeranyo cyakozwe na komisiyo y’igihugu igamije ukuri n’ubwiyunge bitewe n’ivangura rishingiye ku ruhu ryari ryararanze amateka y’iki gihugu mu cyiswe Apartheid.

2004: Televiziyo y’Abarabu Al Jazeera yashyize ahagaragara amashusho yerekana umuyobozi w’umutwe w’iterabwoba wa Al Qaida, Osama bin Laden, yiyemerera ko ariwe wakoze igitero cy’ubwiyahuzi cyabaye tariki 11 Nzeli 2001.

2004: Abayobozi b’ibihugu ku mugabane w’u Burayi bashyize umukono ku masezerano ya nyuma ashyiraho itegeko nshinga ry’Umuryango w’Ubumwe bw’Ibihugu by’u Burayi; aya masezerano yasinyiwe i Roma mu gihugu cy’u Butaliyani.

Bamwe mu bavutse uyu munsi

1938: Ellen Johnson-Sirleaf, umukuru w’igihugu cya Liberia. Uyu mugore yagenewe n’igihembo cy’amahoro cyitiriwe Nobel mu 2011.

Ellen Johnson-Sirleaf

1985: Severino Jefferson, umukinnyi w’umupira w’amaguru ukomoka mu gihugu cya Brazil.

Bamwe mu batabarutse uyu munsi

2004: Edward Oliver LeBlanc, umunyapolitiki wo muri Dominica.

2006: Mohammadu Maccido, wayoboraga ubwami bwa Sokoto.


Kwamamaza
IZINDI NKURU WASOMA
Tariki ya 30 Kanama
2016-08-30 07:00:00
Tariki 29 Kanama
2016-08-29 06:00:00
Tariki 28 Kanama
2016-08-28 06:00:00
Tariki 27 Kanama
2016-08-27 06:30:00
Tariki 26 Kanama
2016-08-26 06:33:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 30 August 2016
Copyright © 2009 -2014 - IGIHE Ltd - All Rights Reserved