00:00:00 IGIHE NETWORK KN KINYARWANDA EN ENGLISH FR FRANCAIS

Tariki 22 Nyakanga

Yanditswe na

SHIKAMA Dioscore

Kuya 22 Nyakanga 2021 saa 07:48
Yasuwe :
0 0

Tariki 22 Nyakanga ni umunsi wa 203 mu minsi igize umwaka, hasigaye 162 uyu mwaka ukagera ku musozo.

Bimwe mu byaranze uyu munsi mu mateka

1797: Mu ntambara y’impinduramatwara mu Bufaransa, habaye igitero ahitwa Santa Cruz de Tenerife, cyahuje Espagne n’u Bwongereza.

1894: Hatangijwe amasiganwa y’amamodoka mu Bufaransa, aya masiganwa yatangiriye mu Mujyi wa Paris abasiganwa berekeza i Rouen, uwitwa Jules-Albert de Dion akaba ariwe wasoje aya masiganwa ari uwa mbere.

1919: I San Francisco, muri Leta ya California ahazwi cyane nka Market Street habereye igitero gikomeye cya bombe, gihitana abantu icumi, abandi mirongo ine barakomereka.

1942: Muri Jenoside yakorewe Abayahudi izwi ku izina rya Holocaust, batangiye gushyirwa mu nkambi imwe.

1977: Deng Xiaoping, yongeye kuyobora u Bushinwa.

2002: Israel yishe Salah Shahade, wari umuyobozi mukuru w’ingabo zo muri burigade izwi nka Izz ad-Din al-Qassam, wo mu mutwe wa politiki witwara gisirikare wa Hamas wo muri Palestine.

2003: Ingabo za Leta Zunze Ubumwe za Amerika zo mu Mutwe wa 101st Airborne, mu bufatanye n’itsinda ry’ingabo z’inzobere (Special Forces), zagabye igitero gikomeye muri Iraq, ku rugo rwa Perezida Saddam Hussein.

Iki gitero cyaguyemo abahungu ba Perezida Saddam Hussein Uday na Qusay Saddam Hussein al-Tikriti. Iki gitero cyaguyemo n’umwe mu bari bashinzwe kubarindira umutekano.

2005: Jean Charles de Menezes yishwe na Polisi y’u Bwongereza, ashinjwa kuba ari we wari wihishe inyuma y’ibitero by’ubwiyahuzi cyibasiye Umujyi wa London tariki 7 Nyakanga ndetse n’icyabaye tariki 21 Nyakanga mu 2005.

Bamwe mu bavutse uyu munsi

1985: Takudzwa Ngwenya, umukinnyi wa Rubgy ukomoka muri Zimbabwe.

1992: Selena Gomez, umuhanzi ukina amafilimi ndetse akaba n’umuririmbyi w’injyana ya Pop, ukomoka muri Leta Zunze Ubumwe za Amerika.

Bamwe mu batabarutse uyu munsi

2003: Wahome Muthahi, ukomoka muri Kenya, wamenyekanye cyane ku izina rya Whispers biturutse ku nyandiko yari ifite iri zina mu kinyamakuru The Daily Nation yakoreye guhera mu 1982 kugera apfuye mu 2003.

2009: Peter Krieg, Umudage wari umwanditsi ndetse akanatunganya amafilimi.

Takudzwa Ngwenya (hagati) ni umukinnyi wa Rubgy ukomoka muri Zimbabwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .