Kwamamaza

Tariki 20 Kanama

Yanditswe kuya 20-08-2015 saa 06:30' na SHIKAMA Dioscore


Tariki 20 Kanama ni umunsi wa magana abiri na mirongo itatu n’itatu, hasigaye iminsi ijana na mirongo itatu n’ine uyu mwaka ukagera ku musozo.
Bimwe mu byaranze uyu munsi mu mateka
1955: Mu gihugu cya Morocco ingabo z’umutwe w’Ababeriberi (Berbers) bari bavuye mu misozi ya Atlas yo mu gihugu cya Algeria zigaba ibitero mu midugudu yo muri Marocco zivugana Abafaransa 77.
1960: Igihugu cya Senegal cyitandukanyije na Mali, gihita gitangaza ubwigenge bwacyo.
1988: Mu ntambara ya Iran na Iraq (...)

Tariki 20 Kanama ni umunsi wa magana abiri na mirongo itatu n’itatu, hasigaye iminsi ijana na mirongo itatu n’ine uyu mwaka ukagera ku musozo.

Bimwe mu byaranze uyu munsi mu mateka

1955: Mu gihugu cya Morocco ingabo z’umutwe w’Ababeriberi (Berbers) bari bavuye mu misozi ya Atlas yo mu gihugu cya Algeria zigaba ibitero mu midugudu yo muri Marocco zivugana Abafaransa 77.

1960: Igihugu cya Senegal cyitandukanyije na Mali, gihita gitangaza ubwigenge bwacyo.

1988: Mu ntambara ya Iran na Iraq hashyizwe umukono ku masezerano yo guhagarika intambara yari imaze imyaka umunani iri hagati y’ibihugu byombi.

1991: Hasenyutse icyahoze ari Leta Zunze Ubumwe z’Abasoviyete izwi cyane nka URSS, uwo munsi abantu barenga ibihumbi ijana bahuriye imbere y’ingoro y’Inteko Ishinga Amategeko ya URSS bigaragambya basaba kwegura kwa Perezida Mikhail Gorbachev.

1991: Igihugu cya Estonia cyari cyarometswe kuri Leta Zunze Ubumwe z’Abasoviyete nyuma y’imyaka mirongo ine cyafashe umwanzuro wo kwiyomora gihita gitangaza ubwigenge bwacyo.

1977: Muri Algeria habaye ubwicanyi bwiswe Souhane massacre, ubu bwicanyi bwaguyemo abanu 60 abandi 15 barakomereka.

2002: Itsinda ry’Abanya Irak barwanyaga ubutegetsi bwa Saddam Hussein bigaruriye ambasade ya Iraq mu Budage mu Mujyi wa Berlin, bamaze igihe kigera ku masaha atanu babigenzura nyuma basubiza ibyo bari bafatiriye byose.

2008: Indege ya Spanair Flight 5022, yari ivuye mu gihugu cya Espagne mu Mujyi wa Madrid yerekeza ahitwa Gran Canaria mu kirwa cya Canary ku kibuga cy’indege cya Barajas.

Iyi mpanuka yahitanye abantu 146 harokoka 18 mu bantu bari bayirimo.

Bamwe mu bavutse uyu munsi

1833: Benjamin Harrison wabaye Perezida wa 23 ku rutonde rw’abayoboye Leta Zunze Ubumwe z’Amerika.

1941: Slobodan Milošević, wabaye Perezida wa Serbia na Yugoslavia. Yayoboye Serbia kuva mu mwaka w’1989 kugera mu 1997 ndetse ayobora Repubulika yunze ubumwe ya Yugoslavia (Federal Republic of Yugoslavia) kuva mu mwaka w’1997 kugera mu 2000.

Slobodan Milošević

Bamwe mu batabarutse uyu munsi

1993: Bernard Delfgaauw, Umufilozofe wo mu gihugu cy’u Budage.

2007: Larry Hartsell, Umunyamerika wari umuhanga mu bijyanye n’imikino njyarugamba, yabaye umurinzi w’abantu (bodyguard), ndetse n’umwarimu w’imikino njyarugamba.

Azwi cyane kubera ko yabaye umwe mu banyeshuri beza ba Bruce Lee.


Kwamamaza
IZINDI NKURU WASOMA
Tariki 27 Nyakanga
2016-07-27 06:00:00
Tariki 26 Nyakanga
2016-07-26 06:30:00
Tariki 25 Nyakanga
2016-07-25 07:00:00
Tariki 24 Nyakanga
2016-07-24 06:53:47
Tariki 22 Nyakanga
2016-07-22 10:32:50
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 27 July 2016
Copyright © 2009 -2014 - IGIHE Ltd - All Rights Reserved