Kwamamaza

Tariki 2 Ukuboza

Yanditswe kuya 2-12-2015 saa 06:31' na SHIKAMA Dioscore


Tariki 02 Ukuboza ni umunsi wa 336 mu minsi igize umwaka, hasigaye iminsi 29 uyu mwaka ukagera ku musozo. Ku rwego mpuzamahanga, wizihizwa nk’umunsi mukuru wo kurwanya ubucakara.
Bimwe mu byaranze uyu munsi
1594 : Hatabarutse Gerhard Kremer bitaga Mercator, Umuhanga cyane mu mibare n’ubumenyi bw’isi. Niwe washushanyije ikarita y’imirongo yitwa latitudes, longitudes, méridiens na parallèles.
1854 : Mu rwego rwo kwirinda intambara kandi bagaharanira gutsinda abazabatera bose, ibihugu bya (...)

Tariki 02 Ukuboza ni umunsi wa 336 mu minsi igize umwaka, hasigaye iminsi 29 uyu mwaka ukagera ku musozo. Ku rwego mpuzamahanga, wizihizwa nk’umunsi mukuru wo kurwanya ubucakara.

Bimwe mu byaranze uyu munsi

1594 : Hatabarutse Gerhard Kremer bitaga Mercator, Umuhanga cyane mu mibare n’ubumenyi bw’isi. Niwe washushanyije ikarita y’imirongo yitwa latitudes, longitudes, méridiens na parallèles.

1854 : Mu rwego rwo kwirinda intambara kandi bagaharanira gutsinda abazabatera bose, ibihugu bya Otirishiya, u Bwongereza n’u Bufaransa byasinyanye amasezerano yo gutabarana no kwirinda ubushotoranyi.

1906 : Nibwo havutse Peter Carl Goldmark, wavumbuye disk ifite ubwizenguruke 33. Ni nawe wakoze televiziyo ya mbere igaragaza amashusho mu mabara.

1908 : Nibwo Nord Alexis Perezida wa Haiti yakuwe ku butegetsi n’inkubiri y’impinduramatwara. Mu rwego rwo guhunga umujinya w’abaturage, yakijije amagara ye ahungira mu bwato bw’Abafaransa bwari bukambitse hafi aho.

1942 : Nibwo i Stagg Field muri Chicago ya Leta Zunze Ubumwe z’Amerika babonye ibimenyetso bya mbere bitanga icyizere ko bombe atomique yahangwaga izashoboka. Iki gisasu cyakozwe mu gihe cy’imyaka isaga itatu ni kimwe mu byakoze ibara mu Buyapani mu gihe cy’intambara ya Kabiri y’Isi.

1968 : Bwabaye ubwa mbere Umuryango w’Abibumbye utangaza ku mugaragaro ko wamaganye ivanguramoko n’irondaruhu byakorwaga mu gihugu cy’Afurika y’Epfo.

1969 : Inkongi y’umuriro yadutse mu kigo gicumbikirwamo abasheshe akanguhe ahitwa Notre-Dame du Lac muri Canada, 37 bahasiga ubuzima.

1969 : Nibwo indege yo mu bwoko bwa Boeing 747 yamuritswe ku mugaragaro.

2004 : Urukiko rw’Ubujurire rw’i Santiago muri Argentine rwakuyeho ubudahangarwa bwari bufitwe na General Augusto Pinochet wigeze kuba Perezida, bityo atangira gukurikiranwa ku byaha yakoze mu mwaka w’1974.

Bamwe mu bavutse uyu munsi

1985: Dorell Wright, umukinnyi wa Basketball wo muri Leta Zunze Ubumwe z’Amerika.

1990: Hikaru Yaotome, umuririmbyi w’Umuyapani.

Bamwe mu batabarutse uyu munsi

2008: Odetta, umuhanzi w’umuririmbyi wo muri Amerika.

2009: Maggie Jones, umukinnyi w’amafilimi ukomoka mu gihugu cy’u Bwongereza.


Kwamamaza
IZINDI NKURU WASOMA
Tariki ya 12 Kanama
2016-08-12 06:05:00
Tariki 11 Kanama
2016-08-11 07:00:00
Tariki ya 10 Kanama
2016-08-10 06:00:00
Tariki 9 Kanama
2016-08-09 07:00:00
Tariki 8 Kanama
2016-08-08 06:07:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 14 August 2016
Copyright © 2009 -2014 - IGIHE Ltd - All Rights Reserved