00:00:00 IGIHE NETWORK KN KINYARWANDA EN ENGLISH FR FRANCAIS

Tariki 18 Ukwakira

Yanditswe na

SHIKAMA Dioscore

Kuya 18 Ukwakira 2021 saa 06:50
Yasuwe :
0 0

Tariki 18 Ukwakira ni umunsi wa 292 mu minsi igize umwaka, hasigaye iminsi 74 uyu mwaka ukagera ku musozo.
Bimwe mu byaranze uyu munsi mu mateka
1797: Hagati y’igihugu cy’u Bufaransa na Autriche hashyizwe umukono ku masezerano yiswe Treaty of Campo Formio, aya masezerano yemezaga ko Napoleon Bonaparte yegukanye intsinzi mu makimbirane yagiranye n’u Butaliyani.
1860: Nyuma y’amasezerano yubwumvikane yabereye i Pekin, hasojwe intambara ya kabiri ya Opium, hashingiwe kandi ku masezerano yiswe (...)

Tariki 18 Ukwakira ni umunsi wa 292 mu minsi igize umwaka, hasigaye iminsi 74 uyu mwaka ukagera ku musozo.

Bimwe mu byaranze uyu munsi mu mateka

1797: Hagati y’igihugu cy’u Bufaransa na Autriche hashyizwe umukono ku masezerano yiswe Treaty of Campo Formio, aya masezerano yemezaga ko Napoleon Bonaparte yegukanye intsinzi mu makimbirane yagiranye n’u Butaliyani.

1860: Nyuma y’amasezerano yubwumvikane yabereye i Pekin, hasojwe intambara ya kabiri ya Opium, hashingiwe kandi ku masezerano yiswe Treaty of Tientsin yagaragayemo ibihugu by’u Bwongereza, u Burusiya na Leta Zunze Ubumwe za Amerika.

1867: Nyuma y’aho Leta Zunze Ubumwe za Amerika zishyuriye u Burusiya miliyoni 7.2 z’Amadorali ya Amerika, iki gihugu cyatangiye kugenzura Leta ya Alaska. Uyu munsi wiswe Alaska Day.

1898: Leta Zunze Ubumwe za Amerika zatangiye kugenzura Puerto Rico

1936: Adolphe Hitler yatangaje gahunda y’imyaka ine yo kuzamura ubukungu bw’u Budage. Iyi gahunda yatangiye gushyirwa mu bikorwa kuva mu mwaka w’1936 irangira mu 1940 igamije by’umwahariko kuzamura ubushobozi bw’igisirikare cy’u Budage.

1944: Leta Zunze Ubumwe z’Abasoviyete zatangiye gahunda yo kwigarurira Czechoslovakia.

1945: Itsinda ry’abasirikare bo muri Venezuela riyobowe na Mario Vargas, Marcos Pérez Jiménez ndetse na Carlos Delgado Chalbaud bakoze kudeta bahirika ku butegetsi Perezida Isaías Medina Angarita.

1967: Icyogajuru cy’Abarusiya cyitwa "Venera 4" cyageze ku mubumbe wa Venus, kiba icyogajuru cya mbere gishoboye kugera kuri uyu mubumbe.

1991: Azerbaijan yatangaje ko yigenga yiyomora kuri Leta Zunze Ubumwe z’Abasoviyete.

2003: Perezida Gonzalo Sánchez de Lozada yategetswe kwegura, akava ku buyobozi bwa Bolivia.

2007: Muri Pakistan habaye igitero cyahitanye uwigeze kuba Minisitiri w’Intebe muri iki gihugu Madamu Benazir Bhutto waguye muri iki gitero cyiswe Karachi bombings, haguyemo kandi abandi bantu bagera ku 139.

Bamwe mu bavutse uyu munsi

1939: Lee Harvey Oswald, washinjwe kwivugana Perezida John F. Kennedy.

1979: – Ne-Yo, ubusanzwe uzwi ku izina rya Shaffer Chimere Smith, Jr. ni umuhanzi w’Umunyamerika uririmba mu njyana ya R&B, umubyinnyi ndetse akaba n’umukinnyi w’Amafilimi.

Bamwe mu batabarutse uyu munsi

2006: Mario Francesco Pompedda, wari umukaridinali wa Kiliziya Gaturika.

2007: Lucky Dube, umuhanzi ukomoka mu gihugu cya Afurika y’Epfo.
Lucky Philip Dube yavukiye Ermelo mu ntara ya Mpumalanga yo muri Afurika y’Epfo, hari tariki 3.8.1964. Ababyeyi be batandukanye ataravuka, bituma arerwa na nyina Sarah wenyine. Izina Lucky (umunyamahirwe) yarihawe kuko yavutse nyina amaze igihe afite ibibazo by’uko izindi nda zavagamo. Lucky yaje gukurira kwa nyirakuru, we n’abavandimwe be babiri Thandi na Patrick, kuko nyina yakoraga kure.

Lucky Dube yakuze akora akazi ko gutunganya ubusitani (jardinier/gardener), nyuma ajya kwiga kuko yabonaga atabona amafaranga ahagije. Mu ishuri niho yinjiriye muri korali (chorale/choir), maze we n’inshuti ze atangiza groupe yitwa The Skyway Band. Ni naho yaje kumenyera amatwara ya Rastafari Movement. Amaze kugira imyaka 18, yinjiye muri groupe ya The Love Brothers, aba bakaba bararirimbaga style ya pop music mu rurimi rw’ikizulu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .