Kwamamaza

Tariki 16 Ugushyingo

Yanditswe kuya 16-11-2015 saa 07:26' na SHIKAMA Dioscore


Tariki 16 Ugushyingo ni umunsi wa 321 mu minsi igize umwaka, hasigaye iminsi 45 uyu mwaka ukagera ku musozo.
Bimwe mu byaranze uyu munsi
1914: Hafunguwe ku mugaragaro banki yitwa Federal Reserve ibumbiye hamwe amabanki agera kuri cumi n’abiri yo muri Leta zitandukanye, ikaba yarakoraga nka Banki Nkuru y’igihugu ya Leta Zunze Ubumwe z’ Amerika.
1938: Ku nshuro ya mbere havumbuwe Lysergic acid diethylamide yandikwa mu mpine nka LSD, ikaba ari aside ikoreshwa mu ikorwa ry’imwe mu miti (...)

Tariki 16 Ugushyingo ni umunsi wa 321 mu minsi igize umwaka, hasigaye iminsi 45 uyu mwaka ukagera ku musozo.

Bimwe mu byaranze uyu munsi

1914: Hafunguwe ku mugaragaro banki yitwa Federal Reserve ibumbiye hamwe amabanki agera kuri cumi n’abiri yo muri Leta zitandukanye, ikaba yarakoraga nka Banki Nkuru y’igihugu ya Leta Zunze Ubumwe z’ Amerika.

1938: Ku nshuro ya mbere havumbuwe Lysergic acid diethylamide yandikwa mu mpine nka LSD, ikaba ari aside ikoreshwa mu ikorwa ry’imwe mu miti inyuranye. Yavumbuwe na Dr Albert Hofmann ukomoka mu gihugu cy’u Busuwisi.

1940: Muri Jenoside yakorewe Abayahudi yibukwa ku izina rya Holocaust, Abanazi bigaruriye igihugu cya Pologne.

1944: Mu ntambara ya kabiri y’isi yose, ahitwa Dueren mu gihugu cy’u Budage hasenywe bikomeye n’ibitero n’ingabo zishyize hamwe (zibukwa ku izina rya Allied Army/les Alliés) zigamije kurwanya ingabo z’u Budage.

1945: Hashinzwe ishami ry’Umuryango w’Abibumbye ryita ku burezi, ubumenyi n’umuco, UNESCO.

1965: Leta Zunze Ubumwe z’Abasoviyete zatangije igikorwa zise Venera Program cyahaye ubutumwa icyogajuru Venera 3 bwo kujya ku mubumbe wa Venus, iki nicyo cyari kuzaba icya mbere mu byogajuru byose mu kugera ku butaka bw’undi mubumbe.

1973: Perezida wa Leta Zunze Ubumwe z’Amerika Richard Nixon yashyize umukono ku masezerano yiswe Trans-Alaska Pipeline Authorization Act yemeraga iyubakwa ry’umuyoboro wa peteroli muri Alaska ( Alaska Pipeline).

1988: Ku nshuro ya mbere mu gihugu cya Pakistan habaye amatora yagutse, abaturage bitorera Minisitiri w’Intebe wabaye Benazir Bhutto.

Benazir Bhutto

2000: Bwa mbere nyuma y’intambara yahuje Leta Zunze Ubumwe z’Amerika na Vietnam, Perezida Bill Clinton yabaye uwa mbere wa USA wongeye gukandagiza ikirenge cye ku butaka bwa Vietnam.

2010: Igikomangoma cy’u Bwongereza William cyatangaje ko kizarushingana na Kate Middleton; ibi byabereye ahitwa Clarence House, magingo aya bakaba barashakanye, aho ubukwe bwabo bwabaye uyu mwaka wa 2011 bubarwa nka kimwe mu bikorwa byahanzwe amaso n’abantu batari bake ku isi hose.

Bamwe mu bavutse uyu munsi

1973: Christian Horner, Umwongereza ufite ikipe yitabira amarushanwa yo gusiganwa mu mudoka azwi ku izina rya Formula One.

1982: Amar’e Stoudemire, umukinnyi wa Basketball w’Umunyamerika.

Bamwe mu batabarutse uyu munsi

2010: Donald Nyrop wari umuyobozi w’isosiyete y’indege yo muri Amerika.

2010: Britton Chance, wari umuhanga mu bijyanye n’ibinyabuzima.


Kwamamaza
IZINDI NKURU WASOMA
Tariki 6 Kanama
2016-08-06 06:30:00
Tariki 5 Kanama
2016-08-05 06:30:00
Tariki 03 Kanama
2016-08-03 04:55:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Saturday 6 August 2016
Copyright © 2009 -2014 - IGIHE Ltd - All Rights Reserved