00:00:00 IGIHE NETWORK KN KINYARWANDA EN ENGLISH FR FRANCAIS

Tariki 13 Ukwakira

Yanditswe na

SHIKAMA Dioscore

Kuya 13 Ukwakira 2021 saa 07:08
Yasuwe :
0 0

Tariki 13 ni umunsi wa 286 mu minsi igize umwaka, hasigaye iminsi 79 uyu mwaka ukagera ku musozo.
Uyu munsi Kiliziya Gatolika yizihiza Mutagatifu Janvier na Carpus.
Bimwe mu byaranze uyu munsi mu mateka
1884: Greenwich, mu Mujyi wa London mu Bwongereza hagizwe ahagena igihe mpuzamahanga (Universal Time).
1946: U Bufaransa bwemeye itegeko nshinga rishyiraho repubulika ya kane.
1961 : Igikomangoma cy’u Burundi Louis Rwagasore waharaniraga ubwigenge bw’icyo gihugu yarishwe.
1962: Mu (...)

Tariki 13 ni umunsi wa 286 mu minsi igize umwaka, hasigaye iminsi 79 uyu mwaka ukagera ku musozo.

Uyu munsi Kiliziya Gatolika yizihiza Mutagatifu Janvier na Carpus.

Bimwe mu byaranze uyu munsi mu mateka

1884: Greenwich, mu Mujyi wa London mu Bwongereza hagizwe ahagena igihe mpuzamahanga (Universal Time).

1946: U Bufaransa bwemeye itegeko nshinga rishyiraho repubulika ya kane.

1961 : Igikomangoma cy’u Burundi Louis Rwagasore waharaniraga ubwigenge bw’icyo gihugu yarishwe.

1962: Mu majyaruguru ashyira uburengerazuba bw’inyanja ya Pacifique hadutse inkubi y’umuyaga udasanzwe uzwi mu ndimi z’amahanga nka cyclone. Iyi nkubi yasize ihitanye abantu bagera 46.

1967: Ku nshuro ya mbere mu mateka y’ishyirahamwe ry’umupira w’intoki wa Basketball muri Leta Zunze Ubumwe z’Amerika (American Basketball Association), hakinwe igikombe cy’uwo muryango muri Leta ya California, ikipe ya Anaheim Amigos itsindwa na Oakland amanota 134 ku 129.

1970: Fiji yinjiye mu Muryango w’Abibumbye.

1972: Indege ya Aeroflot Ilyushin Il-62 yagiriye impanuka hanze y’umurwa mukuru wa Moscow; iyi mpanuka yahitanye abantu 176.

1983: Muri Leta Zunze Ubumwe za Amerika hashyizwe ahagaragara umuyoboro wa telefoni zigendanwa ( cellular network) muri Leta ya Illinois, bikozwe n’ ikompanyi ikora ibijyanye n’itumanaho yitwa Ameritech Mobile Communications muri iki gihe izwi nka AT&T.

1990: Mu gihugu cya Libani hasojwe intambara ya gisivile izwi mu mateka nka ’Lebanese Civil War’. Ibi byabaye nyuma y’igitero cyagabwe n’ingabo za Syria mu duce tunyuranye, gituma hahirikwa ku butegetsi Jenerali Michel Aoun wari Perezida wa Libani.

2010: Mu gihugu cya Chile habaye impanuka mu kirombe gicukurwamo amabuye y’agaciro cy’ahitwa Copiapó. Abakozi bagera kuri 33 bashoboye kurokoka iyi mpanuka nyuma y’iminsi 69 bibera ikuzimu bategereje ubutabazi bw’ababari hejuru.

2016: Louise Mushikiwabo wari Minisitiri w’Ububanyi n’Amahanga yahaye ikaze mugenzi we wa Leta Zunze Ubumwe za Amerika, John Kerry ubwo biteguraga kugirana ibiganiro ku mihindagurikire y’ikirere no kurinda akayunguruzo k’izuba.

2020 : Bwa mbere mu Rwanda byatangajwe ko hagiye gutangira ubuhinzi bw’urumogi hanyuma rukoherezwa mu mahanga mu nganda zikora imiti. Icyo gihe Minisitiri w’Ubuzima Dr. Ngamije Daniel yashimangiye ko bitazaha icyuho abarukoresha nk’ikiyobyabwenge.

Aha abakozi bo mu kirombe bari batarakurwa ikuzimu

Bamwe mu bavutse uyu munsi

1978: Jermaine O’Neal, umukinnyi wa Basketball wo muri Leta Zunze Ubumwe z’Amerika.

1979: Mamadou Niang, umukinnyi w’umupira w’amaguru ukomoka mu gihugu cya Senegal.

Bamwe mu batabarutse uyu munsi

1995: Ali Faik Zaghloul, umunyamakuru wo mu Misiri.

2003 : Bertram Brockhouse, umunyabugeni ukomoka mu gihugu cya Canada, wanahawe igihembo cyitiriwe Nobel.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .