00:00:00 IGIHE NETWORK KN KINYARWANDA EN ENGLISH FR FRANCAIS

Tariki 9 Kanama

Yanditswe na

SHIKAMA Dioscore

Kuya 9 Kanama 2021 saa 05:35
Yasuwe :
0 0

Tariki ya 9 Kanama ni umunsi wa Magana abiri na makumyabiri n’umwe mu minsi igize umwaka, hasigaye iminsi ijana na cumi n’ine uyu mwaka ukagera ku musozo.
Bimwe mu byaranze uyu munsi mu mateka
1936: Mu mikino ngororangingo yo mu Cyi (Summer Olympic Games) , Jesse Owens yatwaye umudali wa zahabu yikurikiranyije, bityo aba umuntu wa mbere ukomoka muri Leta Zunze Ubumwe z’Amerika washoboye gutwa imidali igera kuri ine ku nshuro imwe y’imikino ngororangingo.
1942: Mahatma Ghandi wari umuyobozi (...)

Tariki ya 9 Kanama ni umunsi wa Magana abiri na makumyabiri n’umwe mu minsi igize umwaka, hasigaye iminsi ijana na cumi n’ine uyu mwaka ukagera ku musozo.

Bimwe mu byaranze uyu munsi mu mateka

1936: Mu mikino ngororangingo yo mu Cyi (Summer Olympic Games) , Jesse Owens yatwaye umudali wa zahabu yikurikiranyije, bityo aba umuntu wa mbere ukomoka muri Leta Zunze Ubumwe z’Amerika washoboye gutwa imidali igera kuri ine ku nshuro imwe y’imikino ngororangingo.

1942: Mahatma Ghandi wari umuyobozi w’u Buhinde yatawe muri yombi n’ingabo z’Abongereza ubwo yari agiye gutangiza Quit India Movement yasabaga ubwigenge bw’igihugu cye, izi ngabo zamufatiye mu Mujyi wa Bombay.

1945: Mu ntambara ya kabiri y’isi yose Umujyi wa Nagasaki wo mu Buyapani wasenywe bikomeye n’igisasu cya kirimbuzi cyatewe n’indege y’intambara ya Leta Zunze Ubumwe z’Amerika yitwa United States B-29 Bockscar. Iki gisasu cyahitanye abagera ku bihumbi magana atatu na mirongo icyenda.

Umwotsi ushyushye wazamutse mu kirere ubwo igisasu cyaturikaga

1974: Biturutse ku gisebo gikomeye mu mateka ya Leta Zunze Ubumwe za Amerika kizwi nka Watergate Scandal, Perezida Richard Nixon yeguye ku mirimo ye asimburwa na Visi Perezida we Gerald Ford.

Richard Nixon yabaye Perezida wa mbere mu mateka y’iki gihugu weguye ku mirimo ye.

1999: Perezida w’u Burusiya Boris Yeltsin yakuye ku butegetsi Minisitiri w’Intebe Sergei Stepashin, iyi ikaba yari inshuro ya kane amukuru muri guverinoma.

1999: Diet of Japan, wagereranya n’inteko ishinga amategeko yemeje Hinomaru nk’ibendera ry’igihugu ndetse na Kimi Ga Yo nk’indirimbo yubahiriza igihugu.

2001: Perezida wa Leta Zunze Ubumwe z’Amerika George W.Bush yatangaje ko yiyemeje gufasha abakoraga ubushakashatsi ku bijyanye n’iyororoka ry’ingirangingo, ibizwi neza mu nyito ya stem cells.

Bamwe mu bavutse uyu munsi

1961: John Key, yabaye Minisitiri w’Intebe muri New Zealand

1973: Filippo Inzaghi wabaye umukinnyi w’umupira w’amaguru ukomeye ukomoka mu Butaliyani.

Bamwe mu batabarutse uyu munsi

2004: Robert Lecourt, umunyepolitiki ukomoka mu gihugu cy’u Bufaransa, yabaye Perezida w’urukiko rw’Umuryango w’ibihugu by’Ubumwe bw’i Burayi.

2007: Joe O’Donnell, umunyamakuru wari gafotozi ukomeye ukomoka muri Amerika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .