Kwamamaza

Tariki 03 Kanama

Yanditswe kuya 3-08-2016 saa 04:55' na SHIKAMA Dioscore


Tariki 03 Kanama ni umunsi Magana abiri na cumi na gatandatu mu minsi igize umwaka, hasigaye iminsi ijana na mirongo ine n’icyenda uyu mwaka ukagera ku musozo.
Bimwe mu byaranze uyu munsi mu mateka
1492: Abayahudi bari batuye mu gihugu cya Espagne birukanwe n’ubwami Gaturika bwaho.
1852: Hatangiye amarushanwa yo gusiganwa mu bwato, kuva hagati ya Yale na Havard muri Leta Zunze Ubumwe z’Amerika.
1934: Adolf Hitler yabaye umuyobozi w’ikirenga w’u Budage, ibi yabigezeho nyuma yo kuba Perezida (...)

Tariki 03 Kanama ni umunsi Magana abiri na cumi na gatandatu mu minsi igize umwaka, hasigaye iminsi ijana na mirongo ine n’icyenda uyu mwaka ukagera ku musozo.

Bimwe mu byaranze uyu munsi mu mateka

1492: Abayahudi bari batuye mu gihugu cya Espagne birukanwe n’ubwami Gaturika bwaho.

1852: Hatangiye amarushanwa yo gusiganwa mu bwato, kuva hagati ya Yale na Havard muri Leta Zunze Ubumwe z’Amerika.

1934: Adolf Hitler yabaye umuyobozi w’ikirenga w’u Budage, ibi yabigezeho nyuma yo kuba Perezida na Chancellor w’iki gihugu icyarimwe.

1936: Jesse Owens, ikirangirire mu mikino yo gusiganwa ku maguru, by’umwihariko mu cyiciro cy’abasiganwa mu ntera ireshya n’ibilometero ijana. Yigaragaje cyane mu mikino ngororamubiri yabereye mu gihugu cy’u Budage, mu Mujyi wa Berlin yabaye muri uwo mwaka.

1949: Hashinzwe ishyirahamwe ry’umukino w’intoki uzwi nka basketball. Iri shyirahamwe ryashingiwe muri Leta Zunze Ubumwe z’Amerika rya National Basketball Association.

1959: Igihugu cya Niger cyabonye ubwigenge bwacyo, kibohora ingoyi y’ubukoloni bw’Abafaransa.

1975: Indege ya Boeing 707 yakoreye impanuka mu misozi iri hafi ya Agadir, mu gihugu cya Maroc, ihitana abantu ijana na mirongo inani n’umunani.

1977: Sena ya Leta Zunze Ubumwe z’Amerika, yatangiye kumva ibijyanye n’umushinga uzwi ku izina rya MK-ULTRA, uyu mushinga watangijwe n’ikigo cy’iperereza cy’iki gihugu CIA, igamije kugenzura imitwe (hashingiwe ku myitwarire) ya benshi mu bakoraga igisirikare. Nyamara uyu mushinga wakozwe mu buryo budakurikije amategeko.

1997: Mu gihugu cya Algeria, ahitwa Oued El-Had na Mezouara habereye igitero cy’ubwicanyi abagera ku ijana na cumi na batandatu, abagera kuri mirongo ine baguye mu gace ka Oued El-Had abandi mirongo irindwi na batandatu bapfira Mezouara.

2004: Hongeye kugaragazwa ishusho izwi nka Statue of Liberty muri Leta Zunze Ubumwe z’Amerika, nyuma y’igitero cyibasiye iki gihugu tariki 11 Nzeri.

Statue of Liberty

Bamwe mu bavutse uyu munsi

1916: José Manuel Moreno, umukinnyi w’umupira w’amaguru ukomoka mu gihugu cya Argentine.

1923: Shenouda III of Alexandria, yari umuyobozi mukuru mu idini rya gikirisitu mu gice kizwi cyane nka Orthodox mu gihugu cya Misiri.

Bamwe mu batabarutse uyu munsi

1527: Scaramuccia Trivulzio, umukaridinali wo mu gihugu cy’u Butaliyani.

1977: Makarios III, yabaye Musenyeri ndetse aba na Perezida wa mbere w’igihugu cya Cyprus.


Kwamamaza
IZINDI NKURU WASOMA
Tariki 23 Nzeli
2016-09-23 06:30:00
Tariki 22 Nzeri
2016-09-22 06:40:00
Tariki ya 21 Nzeri
2016-09-21 06:00:00
Tariki 20 Nzeri
2016-09-20 06:00:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved