Tariki ya 2 Kanama

Yanditswe na Philbert Girinema
Kuya 2 Kanama 2017 saa 06:30
Yasuwe :
0 0

Tariki 02 Kanama ni umunsi wa magana abiri na cumi n’itanu mu minsi igize umwaka, hasigaye iminsi ijana na mirongo itanu uyu mwaka ukagera ku musozo.
Bimwe mu byaranze uyu munsi mu mateka
1776: Hashyizwe umukono ku masezerano ajyanye no gutangaza ubwigenge bwa Leta Zunze Ubumwe z’Amerika.
1918: Igihugu cy’u Buyapani cyatangaje ko kigiye gukura ingabo zacyo muri Siberia, nk’ikimenyetso cyo kuva mu ntambara ya mbere y’isi yose.
1918: Bwa mbere hatangiye gukorwa imyigaragambyo rusange mu (...)

Tariki 02 Kanama ni umunsi wa magana abiri na cumi n’itanu mu minsi igize umwaka, hasigaye iminsi ijana na mirongo itanu uyu mwaka ukagera ku musozo.

Bimwe mu byaranze uyu munsi mu mateka

1776: Hashyizwe umukono ku masezerano ajyanye no gutangaza ubwigenge bwa Leta Zunze Ubumwe z’Amerika.

1918: Igihugu cy’u Buyapani cyatangaje ko kigiye gukura ingabo zacyo muri Siberia, nk’ikimenyetso cyo kuva mu ntambara ya mbere y’isi yose.

1918: Bwa mbere hatangiye gukorwa imyigaragambyo rusange mu gihugu cya Canada, ikaba yarabereye mu Mujyi wa Vancouver.

1944: Hatangiye kwizihizwa umunsi mukuru wa Repubulika ya Macedonia.

1968: Umutingito utoroshye wibasiye agace ka Casiguran, Aurora, ndetse na Philippines, wahitanye abagera kuri magana abiri na mirongo irindwi, abarenga magana abiri barakomereka

1980: Mu gihugu cy’u Butaliyani, ahitwa Bologna hategerwa gari ya moshi, haturikiye igisasu cya bombe kivugana abarenga mirongo inani, abandi Magana abiri barakomereka bikomeye

1989: Umuryango w’ibihugu byakolonijwe n’u Bwongereza(Commonwealth of Nations), wongeye kwakira igihugu cya Pakistan nyuma y’uko iki gihugu kisubiyeho kikagaragaza ukwishyira ukizana na demokarasi, cyari cyarahagaritswe mu mwaka w’1972

1989: Ingabo z’Umuryango w’Abibumbye zari mu butumwa bwo kugarura amahoro mu gihugu cya Sri Lanka zakoze ubwicanyi bwaguyemo abaturage b’i Tamil bagera kuri mirongo itandatu na bane, izi ngabo zakomokaga mu gihugu cy’u Buhinde.

1990: Ingabo za Iraqi zigabije ku ngufu igihugu cya Kuwait, iyi iba intandaro y’intambara yo mu kigobe(Gulf War).

Bamwe mu bavutse uyu munsi

1923: Shimon Peres, umunyapolitiki ukomeye wo mu gihugu cya Israel, yabaye Minisitiri w’Intebe ndetse aba na Perezida wa Cyenda ku rutonde rw’abayoboye Israel.

Shimon Peres

1979: Reuben Kosgei, umukinnyi w’imikino ngororangingo yo gusiganwa ku maguru, ukomoka mu gihugu cya Kenya.

Bamwe mu batabarutse uyu munsi

1923: Warren G. Harding, yabaye Perezida wa Leta Zunze Ubumwe Z’Amerika.

2007: Holden Roberto, ukomoka mu gihugu cya Angola, washinze kandi akayobora ishyaka rya FNLA (National Front for the Liberation of Angola).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza