Tariki ya 19 Kamena

Yanditswe na IGIHE
Kuya 19 Kamena 2019 saa 07:00
Yasuwe :
0 0

Tariki ya 19 Kamena ni umunsi wa 170 mu minsi igize umwaka, hasigaye 195 ngo ugere ku musozo.

Bimwe mu byaranze uyu munsi mu mateka :

1865: Nyuma y’imyaka irenga ibiri, bitangajwe ku mugaragaro ko icuruzwa ry’abacakara rigomba guhagarara, Leta ya Texas muri Amerika yabahaye ubwigenge ndetse kugeza n’ubu iyo tariki irakibukwa buri mwaka.

1910: Bwa mbere umunsi w’ababyeyi b’abagabo wizihirijwe mu Mujyi wa Spokane, i Washington muri Leta Zunze Ubumwe za Amerika.

1944: Umunsi wa mbere w’urugamba rwabereye ku nyanja ya Philippine mu Ntambara ya Kabiri y’Isi Yose.

1961: Kuwait yahawe ubwigenge n’u Bwongereza.

1988: Papa Yohani Pawulo II yashyize mu rwego rw’abatagatifu abahowe Imana 117 bakomoka muri Vietnam.

2007: Iraswa ry’Umusigiti w’aba-Shia witwa al-Khilani muri Bagdad ryaguyemo abantu 78, abandi 218 barakomereka.

2012: Julian Assange washinze urubuga rwa WikiLeaks, yasabye ubuhungiro kuri Ambasade ya Equateur mu Bwongereza, nyuma yo gushyira ahagaragara inyandiko zikubiyemo iyicwa ry’abasivili bikozwe n’ingabo za Amerika.

Umuyobozi wa Wikileaks, Julian Assange

Bamwe mu bavutse kuri iyi tariki:

1598: Gilbert Sheldon, wabaye Archbishop wa Canterbury.

1897: Cyril Norman Hinshelwood, Umwarimu akaba n’impuguke mu by’Ubutabire ukomoka mu Bwongereza, wanahawe igihembo cyitiriwe Nobel.

1917: Joshua Nkomo, yari umuyobozi w’inyeshyamba akaba n’impuguke mu bya politiki, yanabaye Visi Perezida wa Zimbabwe.

1934: Gérard Latortue, impuguke mu bya politiki, akomoka muri Haiti aho yanabaye Minisitiri w’Intebe w’icyo gihugu.

1951: Ayman al-Zawahiri, umuhezanguni ukomoka mu Misiri akaba n’Umuyobozi wa Al Qaeda.

1985: Dire Tune Arissi, icyamamare mu mukino wo gusiganwa ku maguru ukomoka muri Ethiopie.

Bamwe mu batabarutse kuri iyi tariki:

1932: Solomon Thekisho Plaatje , yari umunyamakuru akaba n’impirimbanyi yo muri Afurika y’Epfo.

1993: William Gerald Golding, umwanditsi w’inkuru ndende, ikinamico akaba n’umusizi ukomoka mu Bwongereza, wanahawe igihembo cyitiriwe Nobel.

2013: Gyula Horn, umunyapolitiki wo muri Hongrie, wanabaye Minisitiri w’Intebe w’icyo gihugu.

2014: Ibrahim Touré, umukinnyi w’umupira w’amaguru ukomoka muri Côte d’Ivoire


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza