00:00:00 IGIHE NETWORK KN KINYARWANDA EN ENGLISH FR FRANCAIS

Tariki 9 Nyakanga

Yanditswe na

SHIKAMA Dioscore

Kuya 9 Nyakanga 2021 saa 06:40
Yasuwe :
0 0

Tariki ya 9 Nyakanga ni umunsi w’ijana na mirongo icyenda n’umwe mu minsi igize umwaka, hasigaye iminsi 174 uyu mwaka ukagera ku musozo.

Bimwe mu byaranze uyu munsi mu mateka

455: Umuyobozi w’Ingabo z’Abaromani witwa Avitus yatangaje ko abaye Umwami w’Abami w’Uburengerazuba bwa Roma.

1357: Umwami w’Abami Charles IV yitabiriye umuhango wo gushyira ibuye ry’ifatizo ku kiraro cyamwitiriwe, cyashyizwe ahitwa Prague muri Repubulika ya Czech.

1540: Umwami w’u Bwongereza, Henry VIII, yasheshe umuhango wo gushyingiranwa ku mugaragaro yari afitanye n’umugore we wa kane witwa Anne of Cleves.

1815: Charles Maurice de Talleyrand-Périgord, yabaye Minisitiri w’Intebe w’u Bufaransa.

1816: Argentine yatangaje ubwigenge bwayo, yibohora ubukoloni bwa Espagne.

1850: Perezida Zachary Taylor yapfuye atararangize manda ye, dore ko yari amaze igihe kigera ku mezi cumi n’atandatu ku butegetsi, yasimbuwe na Visi Perezida we Millard Fillmore.

1989: Ibisasu bibiri byo mu bwoko bwa bombe, byaturikiye ahitwa Mecca (Soma Maka), Umujyi wo muri Arabia Saoudite, bihitana umuntu umwe, abandi cumi na batandatu barakomereka.

1991: Afurika y’Epfo yongeye kwemererwa gusubira mu mikino ya Olempiki, nyuma y’imyaka 30 yarahagaritswe.

1999: Ku munsi w’imyigaragambyo y’abanyeshuri muri Iran, polisi yagabye ibitero mu macumbi yabo muri Kaminuza ya Tehran.

2002: Hatangijwe Afurika Yunze Ubumwe (AU), ifite icyicaro muri Ethiopia mu Mujyi wa Addis Ababa. Thabo Mbeki, wari Perezida wa Afurika y’Epfo, ni we wabaye umuyobozi wawo mukuru, bwa mbere.

Afurika Yunze Ubumwe igizwe n’ibihugu mirongo itanu na bine, wongeyemo Sudani y’Amajyepfo, igihugu kitawurimo ni Maroc. Afurika Yunze Ubumwe yasimbuye Umuryango wa Afurika Yunze Ubumwe witwaga OUA (Organisation of African Unity).

2006: Abantu barenga ijana na makumyabiri na babiri bapfiriye mu mpanuka y’indege Sibir Airlines Airbus A310, iyi ndege yari itwaye abantu basaga magana abiri, ikaba yarakoreye impanuka ku kibuga cy’indege cya Irkutsk muri Siberie.

Bamwe mu bavutse uyu munsi

1753: William Waldegrave, Umuyobozi w’Intara ukomoka mu Bwongereza.

1932: Donald Rumsfeld, wabaye umunyamabanga mukuru wa Minisiteri y’Ingabo.

1973: Enrique Murciano, umukinnyi w’amafilimi ukomoka muri Leta Zunze Ubumwe za Amerika.

Bamwe mu batabarutse uyu munsi

1706: Pierre Le Moyne d’Iberville, umushakashatsi ufite ubwenegihugu bwa Canada n’u Bufaransa.

1850: Zachary Taylor, Perezida wa cumi na kabiri wa Leta Zunze Ubumwe za Amerika.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .