00:00:00 IGIHE NETWORK KN KINYARWANDA EN ENGLISH FR FRANCAIS

Tariki 4 Nyakanga

Yanditswe na
Kuya 4 Nyakanga 2021 saa 06:03
Yasuwe :
0 0

Tariki ya 4 Nyakanga ni umunsi wa 186 mu minsi igize umwaka, hasigaye 179 ngo ugere ku musozo.

Abahanga mu bijyanye n’isanzure bemeza ko iyi tariki Isi iba yagiye kure y’izuba.

Bimwe mu byaranze uyu munsi mu mateka

1569: Umwami wa Pologne ndetse n’Igikomangoma gikuru cya Lituania Sigismund II Augustus bashyize umukono ku masezerano yo guhuriza hamwe ibihugu byombi bikabyara igihugu kimwe cyiswe Polish–Lithuanian Commonwealth.

1776: Mu bihe by’impinduramatwara ya Amerika, iki gihugu cyatangaje ku mugaragaro ubwigenge bwayo, bwakiriwe na Second Continental Congress.

Second Continental Congress ni ihuriro ry’abantu bashyizweho mu bwumvikane baturuka muri leta 13 zaje ku ikubitiro mu ishingwa rya Leta Zunze Ubumwe za Amerika.

1810: Abafaransa bigaruriye Umujyi wa Amsterdam, uherereye mu Buholandi.

1826: Abaperezida babiri ba Amerika bapfuye umunsi umwe, Perezida Thomas Jefferson wabaye uwa gatatu ndetse na John Adams wabaye uwa kabiri, ku rutonde rw’abaperezida bayoboye iki gihugu. Bombi batabarutse ubwo hizihizwaga isabukuru y’ubwigenge y’imyaka 50.

1827: Hahagaritswe ubuhake muri Leta ya New York.

1837: Mu Bwongereza hafunguwe inzira ndende cyane ya gari ya moshi ihuza Birmingham n’Umujyi wa Liverpool, ikaba yari ibaye inzira ndende mu mateka y’Isi.

1879: Mu ntambara yiswe Anglo-Zulu War yahuzaga Ingabo z’Abongereza n’Abazulu, Umurwa Mukuru w’Abazulu Ulundi wafashwe n’Ingabo z’Abongereza zahise zinawutwika, biba iherezo ry’intambara n’imvano yo guhunga k’Umwami Cetshwayo.

1886: Abaturage b’u Bufaransa bageneye Amerika ikibumbano cy’ubwigenge cyiswe Statue of Liberty.

1887: Uwashinze Pakistan, Quaid-i-Azam Muhammad Ali Jinnah yagiye kwiga muri Kaminuza ya Sindh-Madrasa-tul-Islam iherereye ahitwa Karachi muri Pakistan.

1946: Nyuma y’iminsi 581 Philippines ihatana no kubona ubwigenge bwayo bwuzuye, yarashyize ibugeraho irekeraho kugengwa na Leta Zunze Ubumwe za
Amerika.

1976: Abakomando b’igisirikare cya Israel bageze ku Kibuga cy’Indege cya Entebbe muri Uganda baje kubohoza abagenzi bari mu ndege y’Abafaransa yari yafashwe bugwate, nyuma yo kuyobywa n’Umutwe w’Iterabwoba w’Abanyapalestine.

1994: Umujyi wa Kigali wafashwe n’Ingabo za FPR (Front Patriotique Rwandais). Iyi tariki ni yo yatoranyijwe kujya yizihizwaho Umunsi Mukuru wo Kwibohora.

1997: Ikigo cy’Ubushakashatsi mu bijyanye n’isanzure cya Amerika, NASA, cyohereje ikirobo cyitwa Pathfinder cyo gukora ubushakashatsi ku mubumbe wa Mars.

2009: Nyuma y’imyaka umunani hatagaragazwa ikamba ryacyo ry’ikibumbano cy’ubwigenge (Statue of Liberty) kiri muri Amerika ryongeye kwerekanwa. Rikaba ryari ryarahishwe ku mpamvu zo kugicungira umutekano bitewe no gutinya ko ibyihebe byibasiye imiturirwa ya World Trade Center byakongera kuyibasira.

Bamwe mu bavutse uyu munsi

1872: Calvin Coolidge, wabaye Perezida wa 30 ku rutonde rw’abayoboye Amerika.

1969: Wilfred Mugeyi, umukinnyi w’umupira w’amaguru ukomoka muri Zimbabwe.

Bamwe mu batabarutse uyu munsi

965: Papa Benedict V

1932: Maria Sklodowska-Curie, umuhanga cyane mu bumenyi bw’ibijyanye n’Ubutabire ndetse n’Ubugenge wanabiherewe Igihembo cyitiriwe Nobel, uyu kandi akaba ari n’umufasha wa Pierre Curie.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .