Tariki 24 Kamena 1994,umunsi Abanyarwanda bigaragambije basaba ko Abafaransa basubira iwabo

Yanditswe na IGIHE
Kuya 24 Kamena 2019 saa 12:00
Yasuwe :
0 0

Mu myaka ya 1990 kugeza 1994 ingabo z’Abafaransa zagiye zisimburana mu Rwanda, ndetse zishinjwa kuba zaratereranya Abatutsi biciwe mu duce zagenzuraga.

Itariki ya 24 Kamena ni umunsi Abanyarwanda berekanye ko barambiwe ingabo z’u Bufaransa zabarizwaga mu Burengerazuba bw’u Rwanda no mu bice bya Goma na Bukavu muri Repubulika iharanira Demokarasi ya Congo (RDC).

Icyo gihe abaturage barenga ibihumbi 30 bari mu gice cyagenzurwaga na RPF i Ndera, ni mu birometero nka 20 mu Burasirazuba bwa Kigali, bakoze imyigaragambyo basaba ko byihuse ingabo z’Abafaransa zava mu Rwanda

Iyi myigaragambyo yahuriranye n’inyandiko y’amagambo akomeye yasinyweho n’abagera kuri 18 mu bigaragambyaga, yandikiwe uwari Perezida w’u Bufaransa, Francois Mitterand.

Iyi nyandiko yanengaga icyemezo cye cyo kohereza ingabo ze mu Rwanda.

Ingabo z’u Bufaransa zishinjwa kuba zaramenyeshejwe ubwicanyi bwari bukorerwe Abanya-Bisesero mbere y’uko buba, ntizigire icyo zikora ngo zibutambamire.

Zishinjwa kandi guha imyitozo, ibikoresho n’ubundi bufasha mu bya gisirikare abahezaguni b’Abahutu na Guverinoma yakoze Jenoside.

Ingabo z'Abafaransa zishinjwa gutererana Abatutsi bicwaga urw'agashinyaguro muri Jenoside
Ingabo z'Abafaransa zamenyeshejwe ko Abatutsi bo mu Bisesero bagiye kwicwa ariko ntizigire icyo zikora ngo zibatabare

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza