Kwamamaza

Nyaruguru:Kuki bahise i Kibeho iwabo w’Abarinda n’Abarindangwe?

Yanditswe kuya 18-11-2016 saa 07:36' na Emma-Marie Umurerwa


Umwami Rwabugiri niwe bivugwa ko yahise i Kibeho, Abarinda n’Abarindangwe ikaba yari imitwe y’ingabo ze z’intwari zarindaga inkiko z’u Rwanda n’u Burundi.

“Umwami Rwabugiri yarambagiye muri Nyaruguru, dore ko yari ahafite imitwe y’ingabo zikomeye cyane, noneho imbeho irahamwicira. Arangije ati ‘aha hantu imbeho yanyiciye gutya ni ‘i Kibeho.” Nuko izina ryahafashe na bugingo n’ubu.”

Ngiyo inkomoko ry’izina Kibeho ryamamaye mu Rwanda no mu mahanga nk’uko bamwe mu basheshe akanguhe bo mu Karere ka Nyaruguru mu Murenge wa Kibeho babidutangarije.

Sindikubwaho Theobald w’imyaka 78 avuga ko muri aka gace ari na ho habaga ingabo zitwa ‘Abarinda n’Abarindangwe’.

Yagize ati “Abantu bakomoka kuri izo ngabo bitwa ‘Abenengwe’ bariho na bugingo n’ubu, ubasanga muri Butare(Huye) uzabasanga no mu Murenge wa Mukindo hariya aho bita ku Mukindo wa Makwaza ni mu Karere ka Gisagara.”

Akomeza avuga ko Abarindangwe banaboneka mu Burundi mu duce twa Ngozi, Kayanza na Kirundo, hafi ya Mukindo mu Karere ka Gisagara.

Inkomoko y’inyito ‘Nyaruguru’

Ukwizagira Thomas w’imyaka 82 ahamya ko inyito Nyaruguru ikomoka ku ngabo za Rwabugiri.

Yagize ati “Hiswe Nyaruguru ku bwa Rwabugiri, bivuye ku mutwe w’ingabo ze witwaga ‘Inyaruguru’ umuhungu we witwaga Muhigirwa, akaba ari umwe mu batware ba nyuma baziyoboye. Ikindi nakubwira nuko uwo mutwe w’ingabo wari ushinzwe kurinda inkiko (umupaka) z’u Rwanda n’u Burundi.”

Kibeho ni umujyi muto uherereye mu karere ka Nyaruguru mu majyepfo y’u Rwanda. Ni ahantu hamenyekanye cyane igihe habaga amabonekerwa mu mwaka wa 1981 akaba ari na ho hari ishusho ya Yezu ku rwego rwa Afurika ifite icyicaro aho i Kibeho; niyo shusho nini ku isi ifite uburebure bwa metero esheshatu (6), ipima ibiro magana cyenda na mirongo itanu (950 kg).

Iyo shusho igaragara ahantu hatandatu ku Isi kuko buri mugabane w’Isi ufite ishusho imwe nk’iyo.

Umugabane w’Afurika rero ishusho wagennye iri ku musozi wa Nyarushishi uherereye mu murenge wa Kibeho, akarere ka Nyaruguru mu Ntara y’Amajyepfo.

I Kibeho ahiswe ku butaka butagatifu
Sindikubwabo asobanura amateka n'inkomoko y'izina Kibeho

[email protected]


Kwamamaza

Kwamamaza
IZINDI NKURU WASOMA
Tariki 6 Ukuboza
2016-12-06 06:51:03
Tariki ya 4 Ukuboza
2016-12-04 06:30:00
Tariki 1 Ukuboza
2016-12-01 06:00:00
Tariki 30 Ugushyingo
2016-11-30 06:30:00
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved