27 Kamena

Yanditswe na Mathias Hitimana
Kuya 27 Kamena 2018 saa 06:45
Yasuwe :
0 0

27/06/1831 : Hatabarutse Sophie Germain, wabaye umugore wa mbere wagaragaje ubuhanga budasanzwe mu Mibare (Mathematics). Byatumye yitwa « première femme mathématicienne » Mu bushakashatsi bwe, yiyitaga Mr le Blanc, kugira ngo ibyo akora bibashe kwemerwa, kuko iyo amenyekana mbere nk ;umugore nta cyo yari kwemererwa kugaragaza nk’igikorwa cy’ubwenge.
Yanditse kandi na byinshi mw’Inyurabwenge (Philosophie) ryo mu gihe cye. Yari yaravutse kuwa 01 Mata 1776. Aho avuka mu Bufaransa hari ishuri (...)

27/06/1831 : Hatabarutse Sophie Germain, wabaye umugore wa mbere wagaragaje ubuhanga budasanzwe mu Mibare (Mathematics). Byatumye yitwa « première femme mathématicienne » Mu bushakashatsi bwe, yiyitaga Mr le Blanc, kugira ngo ibyo akora bibashe kwemerwa, kuko iyo amenyekana mbere nk ;umugore nta cyo yari kwemererwa kugaragaza nk’igikorwa cy’ubwenge.

Yanditse kandi na byinshi mw’Inyurabwenge (Philosophie) ryo mu gihe cye. Yari yaravutse kuwa 01 Mata 1776. Aho avuka mu Bufaransa hari ishuri n’ibikorwa byamwitiriwe.

image

Igitabo cya Sophie Germain

27/06/1905 : Nibwo hatangiye impinduramatwara mu Burusiya.

27/06/1969 : Bwabaye ubwa mbere habayeho ku mugaragaro ishyirahamwe ry’ibitindanyi (Homosexuels / Gays) ryabereye i Manhattan, ahashinzwe n’akabari kagenewe gusa bene abo. 

27/06/1977 : Nibwo Djibouti yabonye ubwigenge ihinduka Repubulika. Ubwigenge bwayo bwagezweho nyuma y’imyaka myinshi hapfa urursororongo ababuharaniraga.

image

Imva z’abaharaniye ubwigenge bwa Djibouti

27/06/1980 : Indege DC-9 ya Itavia yagiriye impanuka hejuru y’ikirwa Ustica ihitana abantu 93. Urubanza ku bagize uruhare muri iyo mpanuka rwatangiye kuwa 28 Nzeri 2000.

27/06/1991 : Hatangiye intambara hagati ya Slovenie na Yougoslavie. Intamabare yaje kurangira Slovenie yigenze bidasubirwaho.

27/06/2000 : Urukiko rw’i Florida muri USA rwakatiye amezi atandatu y’igifungo George Stephens Finley nyuma yo guhamwa n’icyaha cyo kuba yararashe imbwa y’umugore we, ayihora ingeso mbi.

27/06/2003: Muri Indonesia, Urukiko rwakatiye igifungo cy’imyaka itanu umugabo wataburuye umurambo w’umuturanyi we ngo awufungure. Yabikoreraga kwirinda imyuka mibi (abazimu) y’uwo wapfuye batumvikana.

27/06/2010 : Muri Malaisie bakubiswe n’inkuba nyuma yo kumva ko akana k’agakobwa kibarutse umwana w’umuhugu. Umwana w’umukobwa yavuze ko nta wundi muntu bigeze babonana utari agahungu k’agaturanyi nako gafite imyaka 14. Umwana na Nyina bakurikiranywe na Nyirakuru w’agakobwa kabyaye, agahungu kavutse kazarerwa n’uwo Nyirakuruza, kuko uwakibarutse nawe agikeneye kurerwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza