Umutingito wahitanye abantu 180 muri Iran

Umutingito wahitanye abantu 180 muri Iran


Yanditswe kuya 12-08-2012 - Saa 03:32' na Theogene Ishimwe

Ubuyobozi muri Leta ya Iran buratangaza ko abantu 180 bapfiriye mu mitingito ibiri ikaze yamaze iminota 11 mu Burengerazuba bw’Amajyaruguru, hafi y’umujyi wa Tabriz.

Abarenga 1300 nibo bivugwa ko bakomerekeye muri iyo mitingito yo ku gicamunsi cyo kuwa gatandatu tariki ya 11 Kanama 2012.

Nyuma y’iyo mitingito hakurikiyeho indi yoroheje ituma ibihumbi by’abantu barara hanze y’amazu yabo.

Amatsinda y’ubutabazi aracyashakisha abahitanywe n’umutingito bakiri mu binonko by’amazu yasenyutse, ubayobozi bwo bufite impungenge ko umbare w’abapfuye ushobora kuzamuka.

Umuryango w’ubutabazi ’’Croissant Rouge’’ utangaza ko wabaye uhaye ubwihugiko abantu bagera kuri 16000 kandi ngo bari gushakirwa ubundi bufasha bw’ibanze. Ubuyobozi bwa Leta bwo butangaza ko bufite impungenmge z’uko abatabazi bataragera mu bice bya kure byibasiwe n’umutingito.

Imitingito ikunze kwibasira Iran, ariko iyikaze iba ari mike, umutingito uheruka ukaze ni uwo muri 2003 wibasiye umujyi wa Bam uri mu burasirazuba bw’amajyepfo, icyo gihe ibihumbi by’abantu bahasize ubuzima.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO