Ubwongereza bwongeye gutera inkunga inyeshyamba zirwanya Syria

Yanditswe na Olivier Muhirwa
Kuya 11 Kanama 2012 saa 01:12
Yasuwe :
0 0

Leta y’u Bwongereza yatanze indi nkunga ya miliyoni 8.8 z’amadolari y’Amerika ku nyeshyamba zirwanya Leta ya Syria, iyo nkunga yatanzwe kuwa Gatanu tariki 10Knama 2012, igenewe kugura ibikoresho by’itumanaho n’iby’ubuvuzi mu rwego rwo gukomeza umubano n’abatavuga rumwe na Leta ya Syri
Amakuru dukesha BBC avuga ko Ministri w’Ububanyi n’Amahanga w’u Bwongereza William Hague yashimangiye ko igihugu cye cyitazatanga intwaro, ahubwo ko inkunga y’amafaranga yatanzwe izafasha kwishyura ibikoresho birimo (...)

Leta y’u Bwongereza yatanze indi nkunga ya miliyoni 8.8 z’amadolari y’Amerika ku nyeshyamba zirwanya Leta ya Syria, iyo nkunga yatanzwe kuwa Gatanu tariki 10Knama 2012, igenewe kugura ibikoresho by’itumanaho n’iby’ubuvuzi mu rwego rwo gukomeza umubano n’abatavuga rumwe na Leta ya Syri

Amakuru dukesha BBC avuga ko Ministri w’Ububanyi n’Amahanga w’u Bwongereza William Hague yashimangiye ko igihugu cye cyitazatanga intwaro, ahubwo ko inkunga y’amafaranga yatanzwe izafasha kwishyura ibikoresho birimo telefoni, imashini zitanga umuriro w’amashanyarazi n’ibikoresho by’ubuvuzi.

Ubwongereza bwari buherutse gutanga miliyoni 2.2 z’amadolari mu gushyigikira inyeshyamba zo muri Syria, ndetse na miliyoni 27.5 z’amadolari agenewe ibikorwa by’ubugiraneza.

Mu gihe abantu bakomeje kwibaza uko bizagenda igihe ubutegetsi bwa Bashar Assad buzaba bumaze kuvanywaho, Hague avuga ko abadipolomate b’Abongereza barimo gukomeza gukorana n’inyeshyamba zirwanya leta ya Syria.

Abaturage batangiye imyivumbagatanyo yo kwamagana ubutegetsi bwa Assad muri Werurwe 2011, Leta yakajije ingamba zo kubarwanya maze bikurura intambara hagati mu gihugu. Abaharanira uburenganzira bwa muntu bavuga ko abantu 19,000 bamaze kugwa muri iyo ntambara.

Mbere Ubwongereza bwari bwitondeye kugirana ibiganiro n’inyeshyamba za Syria, ariko noneho buratinya ko icyo gihugu cyahinduka indiri ya Al-Quaida n’abandi bahezanguni niba umuryango mpuzamahanga utagize icyo ukora mu gufasha inyeshyamba gukuraho Assad.

Hague ati ’’ Niba tudakoranye n’abo banyasiriya bashaka kuzana demokrasi mu gihugu, tuzaba twemeye kwigarurirwa na Al-Quaida n’abandi bafite ibitekerezo by’ubuhezanguni bashaka gukomeza intambara’’.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza