Kwamamaza

Zimbabwe yahaye gasopo Perezida wa Botswana wasabye Mugabe kwegura

Yanditswe kuya 24-09-2016 saa 20:26' na Mukaneza M.Ange


Leta ya Zimbabwe yanenze Perezida wa Botswana Ian Khama, uheruka gutangaza ko Robert Mugabe ashaje ku buryo atagishoboye kuyobora igihugu ndetse amusaba kurekura ubutegetsi vuba na bwangu.

Mu kiganiro yagiranye na Reuters ku wa Gatatu, Perezida Khama yavuze ko Mugabe akwiye kuva ku butegetsi adatinze akabikora ku nyungu za Zimbabwe n’akarere kose muri rusange.

Yakomeje avuga ko Zimbabwe ikeneye ubuyobozi bushya buzabasha guhangana na Politiki n’ubukungu bw’iki gihugu bwatumye akarere kose ka Afurika y’Amajyepfo gasubira inyuma kuva mu 2000.

Ati” Biragaraga ko mu myaka ye (Mugabe), n’aho Zimbabwe iri, ntabwo mu by’ukuri afite ubushobozi bwo kuyiyobora ngo ayikure mu bibazo irimo. Bafite abantu benshi bafite ubushobozi bwo kuyobora bamusimbura. ”

Mu itangazo yashyize ahagaragara ku wa Gatanu, tariki ya 23 Nzeri 2016, Minisitiri w’Itumanaho wa Zimbabwe, Chris Mushohwe yavuze ko batunguwe n’amagambo ya Khama ndetse avuga ko ari ikizira mu mibanire y’ibihugu bya Afurika.

Ati” Twizeye neza ko ubu ari bwo bwa nyuma, umuyobozi wa Botswana abumbura umunwa we akavuga nabi Perezida Mugabe ndetse n’abandi bayobozi ba Afurika. Ese kuki Perezida Mugabe yakurwa ku buyobozi binyuranyije n’Itegeko Nshinga nk’uko Perezida Khama yagaragaje ko abyifuza?”

Botswana icumbikiye abaturage ba Zimbabwe bagera ku bihumbi 100, nubwo ari bake ugereranyije na miliyoni eshatu ziri muri Afurika y’Epfo, bagira uruhare mu gutuma bamwe muri miliyoni 2.3 z’abaturage bahatuye batabona imirimo.

Iki gihugu kandi cyagezweho n’ingaruka z’ubukungu bwa Zimbabwe butifashe neza kuva mu 2000, ikibazo cyarushijeho gukaza umurego mu myaka ibiri ishize.

Ibi akaba ari na byo byakuruye imyigaragambyo yatangiye mu mezi ashize, aho abatari bake basaba Mugabe w’imyaka 92 wagiye ku butegetsi mu 1980 kwegura.

Abaturage batavuga rumwe na Leta muri Zimbabwe bamaze iminsi bigaragambya basaba Perezida Robert Mugabe kuva ku butegetsi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved