Vladimir Putin yasinye itegeko rimwemerera gukomeza kuyobora u Burusiya kugeza 2036

Yanditswe na Muhonzire Sylvine
Kuya 5 Mata 2021 saa 10:12
Yasuwe :
0 0

Perezida w’u Burusiya, Vladimir Putin, w’imyaka 68 yasinye itegeko rimuha ububasha bwo kongera kwiyamamariza kuba umukuru w’igihugu muri manda ebyiri ziri imbere nkuko byemejwe muri referendum yabaye mu mwaka ushize.

Putin umaze imyaka irenga 15 ayobora u Burusiya, mbere yo gusinya iri itegeko, Itegeko Nshinga ryamwereraga kuyobora manda izageza mu 2024.

Mu mpera za Werurwe umwaka ushize, ni bwo Abarusiya bakoze amatora ya kamarampaka [referendum] yemeje ko Putin azongera kwiyamamariza umwanya w’umukuru w’igihugu muri manda ebyiri kugeza mu 2036, bivuze ko naramuka atowe izo nshuro zose azayobora kugeza afite imyaka 83.

Manda izageza 2024 izarangira Putin ayoboye u Burusiya imyaka 20. Naramuka ayoboye iki gihugu mu zindi manda ebyiri, imwe igizwe n’imyaka itandatu azaba aciye agahigo ko kuba umuyobozi uyoboye igihe kinini.

Vladmir Putin yatangiye kuyobora u Burusiya kuva mu 2000 kugeza mu 2008, nkuko Itegeko Nshinga ryo mu 1993 ryabigenaga, nyuma yaho atorerwa kuba Minisitiri w’Intebe ku butegetsi bwa Dmitry Medvedev wamusimbuye kugeza mu 2012,aho byavugwaga ko yagumye kuyobora igihugu nubwo yitwaga Minisitiri w’Intebe.

Mu 2012, Putin yongeye kwicara ku ntebe y’umukuru w’igihugu atorerwa manda yagejeje mu 2018, aho yongereye kugirirwa icyizere muri manda ya kabiri izageza mu 2024.

Perezida Vladmir Putin yasinye itegeko rimwemerera kuzongera kwiyamamariza umwanya w'umukuru w'igihugu kugeza mu 2036

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .