Kwamamaza

Julian Assange yahishuye ko hitezwe uburiganya mu matora yo muri Amerika

Yanditswe kuya 5-11-2016 saa 15:15' na Ntakirutimana Deus


Julian Assange washinze urubuga rwa internet, Wikileaks ruzwiho kwiba amabanga y’ibihugu bikomeye ahishe mu ikoranabuhanga yatangaje ko Donald Trump uhagarariye ishyaka ry’aba- Républicains, uhatanira kuyobora Amerika atazemererwa gutsindira uwo mwanya.

Assange yatangaje iby’ayo matora ahanganishije Donald Trump na Hillary Clinton uhagarariyue ishyaka ry’aba-Democrates azaba mu cyumweru gitaha, mu kiganiro yagiranye na Kremlin TV ikorera mu Burusiya.

Yabivugiye aho ari muri ambasade ya Equateur mu Bwongereza, aho amaze imyaka ine yihishe ngo adatabwa muri yombi na Leta Zunze Ubumwe za Amerika zimushakisha umunsi ku wundi, kubera ibyaha zimukurikiranyeho byo kumena amabanga y’icyo gihugu.

Muri icyo kiganiro, Assange yashimangiye ko Hillary Clinton yahawe impano n’abasanzwe batera inkunga umutwe wa Islamic State(ISIS).

Ibyo abyemeza ahereye ku makuru ya emails (ubutumwa) ngo yiboneye mu kwezi gushize.

Mu kiganiro yagiranye n’umunyamakuru wo muri Australia,John Pilger ukorera Dartmouth Films, Assange yerekanye imwe muri izo nyandiko Umunyamabanga wa Leta Zunze Ubumwe za Amerika yoherereje uwari Umujyanama wa Perezida Barack Obama, John Podesta.

Muri ubwo butumwa, Perezida Obama asabwa kotsa igitutu Guverinoma ya Arabia Saoudite na Qatar zitera inkunga Islamic State ndetse n’indi mitwe y’abahezanguni b’aba sunni.

Izo Leta ziherutse gushyirwa mu majwi ko zahaye inkunga umuryango washinzwe n’Umugabo wa Hillary Clinton, Bill Clinton wiswe Clinton Foundation.

Ibi bibaye mu gihe abasesenguzi bose ndetse na Leta ya Amerika bemeje ko hari abafite inkomoko muri Arabia Saoudite bari abaterankunga ba ISIS.

Leta ya Arabia Saoudite yarabihakanye itangaza ko hari bamwe mu byigenge bifata amafaranga bavana muri peteroli bacukura bakayajyana mu bikorwa bifuza.

Muri icyo kiganiro Assange yasobanuye ko bigoye ko Trump yatsinda amatora y’Umukuru w’Igihugu kuko ngo inzego zose z’abanyabwenge n’abanyemari, ibigo by’itangazamakuru n’abandi usanga bashyigikiye Hillary Clinton.

Ati “Isesengura ryanjye ni uko Trump adashobora kwemererwa gutsinda. Bose biyungiye gushyigikira Hillary Clinton."

Donald Trump yatangaje kenshi ko amatora ashobora kuba arimo uburiganya, agaragaza n’ibimenyetso bike, ndetse asaba abamushyigikiye guhanga amaso ko hari ubujura buzakorwa mu matora cyane muri Philadelphie n’utundi duce twuzuyemo aba-Democrates.

Assange yakomeje guhakana ko ari intasi ya serivisi z’u Burusiya buhakana ko nta ruhare bwagize mu kwiba amabanga ku bijyanye n’ukwiyamamaza kwa Hillary Clinton.

Julian Assange yatangaje ko amatora ya Perezida muri Leta Zunze Ubumwe za Amerika arimo uburiganya
Assange atangaza ko Clinton ashyigikiwe n'ibigo bikomeye, amabanki, ndetse n'inzego z'iperereza muri Amerika
Assange yemeza ko Donald Trump adashobora gutorerwa kuyobora Amerika

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved