Kwamamaza

USA: Zimwe mu nyubako zifite izina rya ‘Trump’ rigiye kuvanwaho

Yanditswe kuya 16-11-2016 saa 10:29' na Rabbi Malo Umucunguzi


Imiturirwa itatu yo mu Mujyi wa New York igiye gutakaza izina ‘Trump’ nyuma y’uko umuherwe Donald Trump aheruka gutsindira kuyobora Leta Zunze Ubumwe za Amerika, atsinze umukandida Hillary Clinton bamwe mu banyamerika bari baramaze kwishyira mu mitwe ko ariwe ugomba kubayobora.

Ni ibintu byateje uburakari bamwe birara mu muhanda bavuga ko Trump atari Perezida wabo, ndetse ababa mu nyubako zamwitiriwe bavuga ko batewe ipfunwe no kuba ahantu hitiriwe umuntu bo batemera.

Abatuye mu nyubako ‘Trump Place’ muri Manhattan, bahise bifashisha ikoranabuhanga batangiza ubusabe bw’uko ikigo kibakodesha muri iyo nyubako, Equity Residential, cyahindura izina ryayo, ndetse abasaga 600 bamaze gusinyaho.

NBC News yatangaje ko abatuye muri iyi nyubako kuri uyu wa Kabiri bamenyeshejwe ko ibyo bimenyetso bivanwaho muri iki cyumweru.

Umuvugizi w’icyo kigo gicunga izo nyubako eshatu zifite izina rya Trump kuva mu 2005 yagize ati "ubu turi mu bikorwa byo guhindura izina ry’izi nyubako… turizeza ko hazasigara inzu idafite igisobanuro cyihariye ku buryo izanogera abayirimo n’abazayituramo mu gihe kiri imbere.’’

Abaturage kandi basabye ko hanahindurwa tapi ziri ku muryango kimwe n’imyambaro abakozi bayo bambara mu mirimo yabo.

Umwe mu batuye muri iyi nyubako yitiriwe Trump, Linda Gottlieb, yari yabwiye NBC News ko ubu ari guterwa ipfunwe no kuvuga aho ataha nk’iyo agiye gutega imodoka imucyura.

Mu igenzura ry’ibyashoboraga kuva mu matora mu Ukwakira ryakozwe na Morning Consult muri uwo mujyi, ryagaragaje ko 40 ku ijana ry’abatora bavuga ko ibikorwa bya Trump mu kwiyamamaza byatumye bazinukwa gukoresha ikintu cyose cyerekeranye nawe, 46% bavuga ko batararara muri hoteli yamwitiriwe ndetse 63% bavuga ko badashobora gukinikira golf ku bibuga bye.

Ku munsi w’itora, Hillary Clinton muri Manhattan bamutoye kuri 87%, mu gihe Trump bamutoye ari 10% nubwo bitamubujije gutsinda.

Abatuye muri Trump Place Apartments muri Manhattan basabye ko izina rya Trump rivanwaho

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved