Kwamamaza

USA: Umuvandimwe wa Barack Obama yamunenze ashimagiza Trump

Yanditswe kuya 14-11-2016 saa 08:12' na Nsengimana Evariste


Umuvandimwe wa Perezida Barack Obama, Malik Obama, ntiyigeze ahisha ko yishimiye intsinzi ya Donald Trump watorewe gusimbura murumuna we muri White house.

Abinyujije ku rukuta rwe rwa twitter, Malik Obama yashimiye Trump ku ntsinzi aherutse kwegukana, yo kuba Perezida wa 45 wa Leta Zunze Ubumwe za Amerika.

Yashimagije uyu muherwe amugereranya na "Malcom X White" wabaye impirimbanyi y’uburenganzira bwa muntu. Malik Obama kandi yakunze kugaragara yamamaza Trump nyuma y’uko yumvikanye ashinja umuvandimwe we agasuzuguro, ubwirasi no kuba nta kintu kigaragara yakoreye Kenya nk’ahantu afite inkomoko kimwe n’umuryango we uba muri icyo gihugu.

Ati “Wabikoze cyane Perezida Trump! Imana ni inyembaraga.”

Uretse ibi kandi, uyu muvandimwe wa Obama, yagaragaje ko ari inyuma ya Donald Trump ubwo yashyiraga ifoto (profile) ye kuri twitter imugaragaza yambaye ingofero iriho amagambo (slogan) Trump yakoreshaga mu gihe cyo kwiyamamaza bigaragaza neza ko yishimiye intsinzi y’uyu mu Perezida. Trump yanamutumiye mu bikorwa bye byo kwiyamamaza byabereye muri Las Vegas.

AFP kandi yavuze ko ubu butumwa bw’ishimwe kuri Trump, bwaje bukurikira ubundi yari aherutse gushyira ahagaragara anenga murumuna we Barack Obama, avuga ko yamutereranye ubwo yapfushaga abana be.

Ati “Abana banjye babiri barapfuye umuvandimwe wanjye ari Perezida, nta n’ubutumwa bwe bwo kunyihanganisha nakiriye. Biteye agahinda biranababaje.”

Donald Trump ugiye gusimbura Barack Obama yatsinze Hillary Clinton wo mu ishyaka ry’aba-démocrate ari naryo Barack Obama abarizwamo ku majwi 290 kuri 228 ya Clinton.

Malik Obama avuga ko murumuna we yamwirengagije ubwo yagiraga ibyago

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved