00:00:00 IGIHE NETWORK KN KINYARWANDA EN ENGLISH FR FRANCAIS

USA: Abarenga ibihumbi 10 banduriye COVID-19 mu bitaro

Yanditswe na Zigiranyirazo Bajecteur
Kuya 8 Ugushyingo 2021 saa 10:22
Yasuwe :
0 0

Umwaka wa 2020 wasize abarwayi barenga ibihumbi 10 bo muri Leta Zunze Ubumwe za Amerika bari bagiye muri bimwe mu bitaro byo muri icyo gihugu kwivuza indwara zirimo nk’umutima n’impyiko, bahanduriye Covid-19.

Imibare igaragaza ko hagati ya Mata na Nzeri mu mwaka ushize, mu barwayi bose banduriye COVID-19 mu bitaro, abagera kuri 21% bahitanwe na yo.

Ni mu gihe mu bandi barwayi batanduriye icyo cyorezo mu bitaro, 8% muri bo, ari bo bahitanywe n’izo ndwara bari bagiye kwivuza muri icyo gihe.

Umugore witwa Cindy Johnson wari urwarije umugabo we mu bitaro, yabwiye CNN ko umugabo we yari yabashije kurokoka indwara ya kanseri yo mu mara isanzwe iza ku mwanya wa gatatu mu zihitana abagabo benshi muri Amerika ariko akaza kwandurira COVID-19 mu bitaro bya Blake Medical Center biherereye muri Leta ya Florida ikamuhitana mu Ukuboza 2020.

Impamvu byemejwe ko uyu musaza w’imyaka 66 yanduriye icyo cyorezo mu bitaro, ni uko yari yabanje kwipimisha COVID-19 mbere yo kujya mu bitaro bagasanga ataranduye ariko yakongera gusuzumwa nyuma y’iminsi 13 bagasanga yamaze kwandura icyo cyorezo, ibintu byabaye no ku bandi barwayi batari bake.

Umuvugizi w’ibitaro bya Blake Medical Center yavuze ko bari gushishikariza cyane abakozi babyo n’ababagana kwikingiza COVID-19 kugira ngo hagabanywe ibyago by’abahitanwa na yo.

Ni mu gihe Perezida, Joe Biden, aherutse guhamagarira abakozi b’ibitaro bose kwikingiza nubwo hari leta zigera kuri 12 zirimo n’iya Florida zagaragaye nk’izitari gushyira umuhate mu gikorwa cy’ikingira.

Abakora mu rwego rw’ubuvuzi bashyirwa mu majwi kuba intandaro y’abarwayi bandurira mu bitaro mu gihe Ishyirahamwe ry’Ibitaro byo muri Amerika ritangaza ko 42% by’ibitaro byose muri icyo gihugu, ari byo bimaze gutegeka abakozi babikoramo bose kuba barakingiwe COVID-19.

Muri Amerika hari abantu benshi bagiye bapfa banduriye Covid-19 mu bitaro aho babaga bagiye kwivuza izindi ndwara zisanzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .