00:00:00 IGIHE NETWORK KN KINYARWANDA EN ENGLISH FR FRANCAIS

USA: Abadepite bemeje umushinga w’itegeko ryemerera Washington D.C kuba Leta ya 51

Yanditswe na Dufitumukiza Salathiel
Kuya 22 Mata 2021 saa 08:22
Yasuwe :
0 0

Inteko Ishinga Amategeko ya Leta zunze Ubumwe za Amerika,Umutwe w’Abadepite watoye umushinga w’itegeko ryemerera Umurwa Mukuru w’icyo gihugu,Washington D.C, kuba Leta ukwayo.

Icyo gihugu gisanzwe kigizwe na Leta 50, aho buri yose ifite Guverineri wayo, ndetse ikaba igomba kuba ihagarariwe n’Abasenateri babiri n’Umudepite umwe nibura mu Nteko Ishinga Amategeko.

CNN yatangaje ko uwo mushinga w’itegeko watowe ku majwi 216, utsinda 208 y’abatari bawushyigikiye biganjemo Aba-républicains.

Hategerejwe ko n’Abasenateri bawutora, bawemeza ugashyikirizwa Perezida akawusinyaho ugashyirwa mu ngiro. Amajwi 60 muri Sena niyo akenewe ngo wemezwe,yabura ugateshwa agaciro.

Umuyobozi w’Umutwe w’Abadepite, Nancy Pelosi, Washington D.C nigirwa Leta bizatuma abahatuye barushaho kugira uruhare mu bikorwa bya Demokarasi.

Yagize ati “Inteko Ishinga Amategeko iri gutera intambwe ifatika mu guha ubwigenge abatuye Washington D.C, no kubongerera ubushobozi bwo kugira uruhare byuzuye muri demokarasi yacu.”

Kuba uwo Murwa wakwemerwa nka Leta ni amahirwe akomeye ku Ba-démocrates kuko byabafasha kugira ubwiganze mu nzego nkuru z’igihugu, cyane ko ari ahantu basanzwe banakura amajwi. Nko mu matora ya Perezida aheruka, Joe Biden yahakuye amajwi 92% by’abatoye bahatuye, naho Trump ahakura 5%.

Ibyo bituma bahabona nk’ahantu bazajya babonera amahirwe yo kwiganza no mu Nteko Ishinga Amategeko.

Uwo mushinga wigeze kugezwa mu Nteko mu mwaka ushize nabwo Abadepite barawutora, ariko utambamirwa na Sena yari yiganjemo Aba-républicains birangira uteshejwe agaciro.

Abadepite ba Leta zunze Ubumwe za Amerika batoye umushinga wemerera Washington D.C kuba Leta yigenga ya 51 (iIoto: 123RF)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .